ആദ്യ ഏകദിനത്തിലെ തോല്‍വിയ്ക്ക് ശേഷം പരമ്പരയില്‍ തിരിച്ചു വരവ് നടത്തുവാനായി ഫീല്‍ഡിംഗ് തിരഞ്ഞെടുത്ത് ഓസ്ട്രേലിയ. നാഗ്പൂരിലെ രണ്ടാം ഏകദിനത്തിലും ടോസ് വിരാട് കോഹ്‍ലിയ്ക്ക് നഷ്ടമാകുന്നതാണ് കണ്ടത്. ഇന്ത്യ മാറ്റങ്ങളില്ലാതെ ഇറങ്ങുമ്പോള്‍ ഓസ്ട്രേലിയയ്ക്ക് രണ്ട് മാറ്റങ്ങളാണുള്ളത്. ഷോണ്‍ മാര്‍ഷും നഥാന്‍ ലയണും ടീമിലേക്ക് എത്തുമ്പോള്‍ ആഷ്ടണ്‍ ടര്‍ണറും ജേസണ്‍ ബെഹ്രെന്‍ഡോര്‍ഫും പുറത്ത് പോകുന്നു. നാഗ്പൂരിലെ പിച്ച് സ്പിന്നര്‍മാര്‍ക്ക് തുണയാകുമെന്ന പ്രതീക്ഷയില്‍ ഓസ്ട്രേലിയ രണ്ട് സ്പിന്നര്‍മാരെയാണ് കളിക്കാന്‍ ഇറക്കുന്നത്.
ഓസ്ട്രേലിയ: ആരോണ്‍ ഫിഞ്ച്, ഉസ്മാന്‍ ഖവാജ, മാര്‍ക്കസ് സ്റ്റോയിനിസ്, പീറ്റര്‍ ഹാന്‍ഡ്സ്കോമ്ബ്, ഗ്ലെന്‍ മാക്സ്വെല്‍, ഷോണ്‍ മാര്‍ഷ്, അലെക്സ് കാറെ, നഥാന്‍ കോള്‍ട്ടര്‍ നൈല്‍, പാറ്റ് കമ്മിന്‍സ്, നഥാന്‍ ലയണ്‍, ആഡം സംപ
ഇന്ത്യ: രോഹിത് ശര്‍മ്മ, ശിഖര്‍ ധവാന്‍, വിരാട് കോഹ്‍ലി, അമ്ബാട്ടി റായിഡു, കേധാര്‍ ജാഥവ്, എംഎസ് ധോണി, വിജയ് ശങ്കര്‍, രവീന്ദ്ര ജഡേജ, കുല്‍ദീപ് യാദവ്, മുഹമ്മദ് ഷമി, ജസ്പ്രീത് ബുംറ.
