ടി20 ലോകകപ്പിൽ വൻ വിജയവുമായി ഇംഗ്ലണ്ട്. ഇന്ന് ഒമാനെ നേരിട്ട ഇംഗ്ലണ്ട് വെറും 19 പന്തിലേക്ക് ആണ് ഇന്ന് കളി ജയിച്ചത്. ഒമാനെ 47 റണ്ണിന് ഓളൗട്ട് ആക്കിയ ഇംഗ്ലണ്ട് വെറും 3.1 ഓവറിലേക്ക് വിജയം പൂർത്തിയാക്കി. 8 വിക്കറ്റ് വിജയമാണ് നേടിയത്. ഇംഗ്ലണ്ടിനായി സാൾട്ട് 3 പന്തിൽ 12 റൺസും ബട്ലർ 8 പന്തിൽ 24 റൺസും എടുത്തു.
നേരത്തെ ആദ്യം ബാറ്റു ചെയ്ത ഒമാനെ തുടക്കത്തിൽ തന്നെ തകർക്കാൻ ഇംഗ്ലണ്ടിനായി. ഇംഗ്ലണ്ടിനായി ആദിൽ റഷീദ് നാലു വിക്കറ്റും ആർച്ചർ,മാർക്ക് വുഡ് എന്നിവർ മൂന്ന് വിക്കറ്റ് വീതവും വീഴ്ത്തി.
ഈ വിജയം ഇംഗ്ലണ്ടിന് അവരുടെ റൺ റേറ്റ് വലിയ രീതിയിൽ ഉയർത്താൻ സഹായിച്ചു. ഇനി സ്കോട്ലന്റ് അവസാന മത്സരത്തിൽ പോയിന്റ് നഷ്ടപ്പെടുത്തിയാൽ ഇംഗ്ലണ്ടിന് സൂപ്പർ 8ൽ എത്താം.
