തിരുവനന്തപുരത്ത് നടക്കുന്ന കേരള സംസ്ഥാന സീനിയർ ഫുട്ബോൾ ചാമ്പ്യൻഷിപ്പിൽ തിരുവനന്തപുരം ക്വാർട്ടറിലേക്ക് കടന്നു. ഇന്ന് നടന്ന മത്സരത്തിൽ തൃശൂരിനെ എതിരില്ലാത്ത ഒരു ഗോളിന് തോൽപ്പിച്ചാണ് തിരുവനന്തപുരം ക്വാർട്ടർ ഉറപ്പിച്ചത്. കളിയുടെ 51ആം മിനുട്ടിൽ രാഹുലാണ് ആതിഥേയർക്കായി വിജയ ഗോൾ നേടിയത്. ആദ്യ മത്സരത്തിൽ പത്തനംതിട്ടയെയും തിരുവനന്തപുരം തോൽപ്പിച്ചിരുന്നു.
നാളെ നടക്കുന്ന മത്സരങ്ങളിൽ രാവിലെ വയനാട് മലപ്പുറത്തെയും, വൈകിട്ട് ആലപ്പുഴ കോഴിക്കോടിനെയും നേരിടും.
