യോഗ്യത കളിച്ചു വന്നു സിൻസിനാറ്റിയിൽ കിരീടം ഉയർത്തി കരോളിന ഗാർസിയ | Report

20220822 090357

ഡബ്യു.ടി.എ 1000 സിൻസിനാറ്റി ഓപ്പണിൽ കിരീടം നേടി ഫ്രഞ്ച് താരം കരോളിന ഗാർസിയ.

ഡബ്യു.ടി.എ 1000 സിൻസിനാറ്റി ഓപ്പണിൽ കിരീടം നേടി ഫ്രഞ്ച് താരം കരോളിന ഗാർസിയ. സിൻസിനാറ്റിയിൽ യോഗ്യത കളിച്ചു എത്തിയ താരം അട്ടിമറികളിലൂടെ 2017 നു ശേഷം ആദ്യമായി ഡബ്യു.ടി എ 1000 കിരീടം നേടുക ആയിരുന്നു. തന്റെ മൂന്നാം ഡബ്യു.ടി.എ കിരീടം നേടിയ ഗാർസിയയുടെ കരിയറിലെ പത്താം കിരീട നേട്ടം ആണ് ഇത്.

സിൻസിനാറ്റി

ഫൈനലിൽ ചെക് റിപ്പബ്ലിക് താരം പെട്ര ക്വിറ്റോവയെ നേരിട്ടുള്ള സെറ്റുകൾക്ക് ആണ് ഗാർസിയ വീഴ്ത്തിയത്. 6-2, 6-4 എന്ന സ്കോറിന് ജയം കണ്ട ഗാർസിയ മത്സരത്തിൽ 11 ഏസുകൾ ആണ് ഉതിർത്തത്. മൂന്നു തവണ ചെക് താരത്തിന്റെ സർവീസ് ഗാർസിയ ബ്രൈക്ക് ചെയ്യുകയും ചെയ്തു. ഈ ഫ്രഞ്ച് ഓപ്പൺ ഡബിൾസ് കിരീടവും നേടിയ ഗാർസിയ ഈ കിരീടനേട്ടത്തോടെ റാങ്കിങിൽ ആദ്യ ഇരുപതിലും എത്തും. നിലവിലെ ഫോമിൽ യു.എസ് ഓപ്പണിൽ ഗാർസിയ മികവ് തുടരാൻ തന്നെയാണ് സാധ്യത.