Category: Wimbledon

വിംബിൾഡൺ ക്വാർട്ടർ ഫൈനലിൽ ജർമ്മനിയുടെ ലോറ സീഗ്മണ്ടിനെ ഒരു സെറ്റിന് പിന്നിൽ നിന്ന് തിരിച്ചടിച്ച് തോൽപ്പിച്ച് ഒന്നാം സീഡായ ആര്യന സബലെങ്ക സെമിഫൈനലിൽ പ്രവേശിച്ചു. സെന്റർ കോർട്ടിൽ നടന്ന ആവേശകരമായ മത്സരത്തിൽ സ്കോർ 4-6, 6-2, 6-4 ആയിരുന്നു.

മത്സരത്തിന്റെ തുടക്കത്തിൽ സബലെങ്കയ്ക്ക് താളം കണ്ടെത്താനായില്ല. സീഗ്മണ്ട് ആക്രമണോത്സുകമായ റിട്ടേണുകളിലൂടെയും വൈവിധ്യമാർന്ന ഡ്രോപ്പ് ഷോട്ടുകളിലൂടെയും ആദ്യ സെറ്റ് 6-4 ന് സ്വന്തമാക്കി. എന്നാൽ പതിവ് ശൈലിയിൽ തിരിച്ചെത്തിയ ബെലാറഷ്യൻ താരം, വിന്നറുകളുടെ പ്രവാഹവും മെച്ചപ്പെട്ട സെർവുകളുമായി അടുത്ത രണ്ട് സെറ്റുകൾ നേടി.

സീഗ്മണ്ട് മികച്ച പോരാട്ടം കാഴ്ചവെക്കുകയും നെറ്റ് പ്ലേയിലും ആംഗിളുകളിലും ചില സമയങ്ങളിൽ തിളങ്ങുകയും ചെയ്തു. എന്നാൽ അഞ്ച് ഡബിൾ ഫോൾട്ടുകളും കുറഞ്ഞ ഫസ്റ്റ് സെർവ് വിൻ ശതമാനവും (55%) സബലെങ്കയ്ക്ക് മത്സരത്തിലേക്ക് തിരിച്ചുവരാനും നിയന്ത്രണം ഏറ്റെടുക്കാനും അവസരം നൽകി.

വിംബിൾഡൺ ക്വാർട്ടർ ഫൈനലിലേക്ക് മുന്നേറി ലോക ഒന്നാം നമ്പർ യാനിക് സിന്നർ. പ്രീ ക്വാർട്ടർ മത്സരത്തിൽ എതിരാളിയായ 19 സീഡ് ബൾഗേറിയൻ താരം ഗ്രിഗോർ ദിമിത്രോവ് പരിക്കേറ്റ് പിന്മാറിയതോടെയാണ് സിന്നർ അവസാന എട്ടിൽ എത്തിയത്. മത്സരത്തിൽ അതിസുന്ദരമായി കളിച്ച ദിമിത്രോവ് അക്ഷരാർത്ഥത്തിൽ സിന്നറിനെ ഞെട്ടിച്ചു. ടൂർണമെന്റിൽ ഇത് വരെ ഒരു സെറ്റ് പോലും വഴങ്ങാത്ത സിന്നർ ദിമിത്രോവിനു മുന്നിൽ വിയർത്തു.

ആദ്യ സെറ്റിൽ നിർണായക ബ്രേക്ക് കണ്ടെത്തി സെറ്റ് 6-3 നു നേടിയ ദിമിത്രോവ് രണ്ടാം സെറ്റിലും തുടക്കത്തിൽ ബ്രേക്ക് കണ്ടെത്തി. സിന്നർ തിരിച്ചു ബ്രേക്ക് ചെയ്‌തെങ്കിലും വീണ്ടും സിന്നറിന്റെ സർവീസ് ഭേദിച്ച ദിമിത്രോവ് സെറ്റ് 7-5 നു നേടി മത്സരം ഒരു സെറ്റ് മാത്രം അകലെയാക്കി. മൂന്നാം സെറ്റിൽ 2-2 എന്ന സ്കോറിന് നിൽക്കുമ്പോൾ ഒരു വോളി അടിക്കാനുള്ള ശ്രമത്തിൽ വലത് നെഞ്ചിന്റെ ഭാഗത്ത് വേദന അനുഭവപ്പെട്ട ദിമിത്രോവ് കളത്തിൽ വീഴുക ആയിരുന്നു. തുടർന്നു വൈദ്യപരിശോധനക്ക് ശേഷം കളിക്കാൻ ആവില്ലെന്ന് കണ്ടു ദിമിത്രോവ് മത്സരത്തിൽ നിന്നു പിന്മാറുക ആയിരുന്നു. കഴിഞ്ഞ 5 ഗ്രാന്റ് സ്ലാമുകളിലും പരിക്കേറ്റ് പിന്മാറാൻ ആയിരുന്നു ദിമിത്രോവിന്റെ വിധി. ഇരു താരങ്ങളും കെട്ടിപിടിച്ച ശേഷമാണ് കളം വിട്ടത്. ക്വാർട്ടർ ഫൈനലിൽ ബെൻ ഷെൽട്ടൻ ആണ് സിന്നറിന്റെ എതിരാളി.

തുടർച്ചയായ മൂന്നാം തവണയും വിംബിൾഡൺ ക്വാർട്ടർ ഫൈനലിലേക്ക് മുന്നേറി തുടർച്ചയായ മൂന്നാം കിരീടം ലക്ഷ്യം വെക്കുന്ന രണ്ടാം സീഡ് സ്പാനിഷ് താരം കാർലോസ്‌ അൽകാരാസ്. 14 സീഡ് ആയ റഷ്യയുടെ ആന്ദ്ര റൂബ്ലേവിനെ ആദ്യ സെറ്റ് കൈവിട്ട ശേഷം തിരിച്ചു വന്നാണ് അൽകാരാസ് തോൽപ്പിച്ചത്. ആദ്യ സെറ്റ് ടൈബ്രേക്കറിൽ കൈവിട്ടെങ്കിലും തുടർന്ന് അൽകാരാസ് തന്റെ വിശ്വരൂപം കാണിച്ചു. തികച്ചും അവിശ്വസനീയം ആയ വിധം പല പോയിന്റുകളും അൽകാരാസ് നേടുന്നതും മത്സരത്തിൽ കാണാൻ ആയി.

രണ്ടാം സെറ്റ് 6-3 നു നേടിയ അൽകാരാസ് മൂന്നും നാലും സെറ്റുകൾ 6-4, 6-4 എന്ന സ്കോറിന് ആണ് നേടിയത്. 22 ഏസുകൾ ഉതിർത്ത താരം ഇന്ന് നന്നായി സെർവ് ചെയ്യുന്നതും കണ്ടു. തുടർച്ചയായ 22 മത്തെ വിജയവും വിംബിൾഡണിലെ തുടർച്ചയായ 18 മത്തെ ജയവും ആയിരുന്നു അൽകാരാസിന് ഇത്. ടൂർണമെന്റിലെ ഇത് വരെയുള്ള മികച്ച മത്സരം കളിച്ച അൽകാരാസ് ഇതോടെ 12 മത്തെ ഗ്രാന്റ് സ്ലാം ക്വാർട്ടർ ഫൈനൽ ആണ് ഉറപ്പിച്ചത്. 46 ഏസുകൾ മത്സരത്തിൽ ഉതിർത്ത ചെക് താരം നിക്കോളാസ് ജാറിയെ നാലര മണിക്കൂർ നീണ്ട 5 സെറ്റ് വരെ എത്തിയ പോരാട്ടത്തിൽ മറികടന്ന ബ്രിട്ടീഷ് താരം കാമറൂൺ നോരിയാണ് ക്വാർട്ടർ ഫൈനലിൽ അൽകാരാസിന്റെ എതിരാളി.

വിംബിൾഡൺ ക്വാർട്ടർ ഫൈനലിലേക്ക് മുന്നേറി ലോക ഒന്നാം നമ്പർ ആര്യാന സബലങ്ക. 24 സീഡ് ബെൽജിയം താരവും തന്റെ മുൻ ഡബിൾസ് പങ്കാളിയും ആയ എൽസി മെർട്ടൻസിനെ 6-4, 7-6 എന്ന നേരിട്ടുള്ള സെറ്റുകൾക്ക് ആണ് സബലങ്ക തോൽപ്പിച്ചത്. കരിയറിലെ 13 മത്തെ ഗ്രാന്റ് സ്ലാം ക്വാർട്ടർ ഫൈനൽ ആണ് സബലങ്കക്ക് ഇത്, തുടർച്ചയായ 11 മത്തേതും. 2025 ലെ 47 മത്തെ ജയം കുറിച്ച സബലങ്ക കിരീടം തന്നെയാണ് ലക്ഷ്യം വെക്കുന്നത്.

വിംബിൾഡണിൽ ഇത് വരെ ഒരു സെറ്റ് പോലും സബലങ്ക വഴങ്ങിയിട്ടില്ല. സെന്റർ കോർട്ടിൽ ബ്രിട്ടീഷ് താരം സോനെയ് കാർട്ടലെ 7-6, 6-4 എന്ന സ്കോറിന് മറിമടന്നു സീഡ് ചെയ്യാത്ത 34 കാരിയായ റഷ്യൻ താരം അനസ്തിഷിയയും വിംബിൾഡൺ അവസാന എട്ടിലേക്ക് മുന്നേറി. അർജന്റീനയുടെ സൊലാന സിയെരയെ 6-3, 6-2 എന്ന സ്കോറിന് തകർത്തു 37 കാരിയായ ജർമ്മൻ താരം ലൗറ സിഗമണ്ടും വിംബിൾഡൺ ക്വാർട്ടർ ഫൈനൽ ഉറപ്പിച്ചു.