2019 ൽ 19 കാരിയായി ഫ്രഞ്ച് ഓപ്പൺ സെമിയിൽ എത്തിയ ശേഷം വീണ്ടുമൊരു ഗ്രാന്റ് സ്ലാം സെമിഫൈനലിലേക്ക് മുന്നേറി അമേരിക്കയുടെ 13 സീഡ് അമാന്ത അനിസിമോവ. റഷ്യൻ താരം അനസ്ത്യാഷ്യയെ 6-1, 7-6 എന്ന സ്കോറിന് ആണ് അമേരിക്കൻ താരം മറികടന്നത്. രണ്ടാം സെറ്റ് ടൈബ്രേക്കറിൽ കടുത്ത പോരാട്ടം നടന്നെങ്കിലും അനിസിമോവ അത് അതിജീവിക്കുക ആയിരുന്നു.
17 മത്തെ വയസ്സിൽ ഗ്രാന്റ് സ്ലാം സെമിഫൈനലിൽ എത്തിയ ശേഷം പരിക്കുകൾ വേട്ടയാടിയ കരിയർ ആയിരുന്നു അനിസിമോവയുടേത്. 2023 ൽ മാനസിക സമ്മർദ്ദം കാരണം ടെന്നീസിൽ നിന്നു ഇടവേള എടുത്ത താരം മാസങ്ങളോളം ടെന്നീസ് റാക്കറ്റ് കൈ കൊണ്ട് തൊട്ടില്ല. തുടർന്ന് അച്ഛന്റെ വിയോഗവും താരത്തെ തളർത്തി. എന്നാൽ അതിൽ നിന്നുള്ള തിരിച്ചു വരവ് ആയി താരത്തിന് ഇത്. സെമിയിൽ ലോക ഒന്നാം നമ്പർ ആര്യാന സബലെങ്കയാണ് അനിസിമോവയുടെ എതിരാളി.
