വേദന അതിജീവിച്ചു ജയിച്ചു നൊവാക് ജ്യോക്കോവിച് യു.എസ് ഓപ്പൺ നാലാം റൗണ്ടിൽ

യു.എസ് ഓപ്പൺ നാലാം റൗണ്ടിലേക്ക് മുന്നേറി ഏഴാം സീഡും 25 തവണ ഗ്രാന്റ് സ്ലാം ജേതാവും ആയ 38 കാരനായ നൊവാക് ജ്യോക്കോവിച്. മൂന്നാം റൗണ്ടിൽ ബാക്ക് പെയിൻ അതിജീവിച്ചു ആണ് താരം ജയം കണ്ടത്. ബ്രിട്ടീഷ് താൻ കാമറൂൺ നോറിയെ നാലു സെറ്റ് പോരാട്ടത്തിൽ 6-4, 6-7, 6-2, 6-3 എന്ന സ്കോറിന് ആണ് സെർബിയൻ താരം തോൽപ്പിച്ചത്. ജയത്തോടെ ഗ്രാന്റ് സ്ലാമുകളിൽ ഹാർഡ് കോർട്ടിൽ ഏറ്റവും കൂടുതൽ ജയങ്ങൾ നേടുന്ന താരമായി ജ്യോക്കോവിച് മാറി.

192 ജയങ്ങൾ ആണ് ഓസ്‌ട്രേലിയൻ ഓപ്പൺ, യു.എസ് ഓപ്പൺ എന്നിവയിൽ ആണ് ജ്യോക്കോവിച് നേടിയത്. അവസാന പതിനാറ് പോരാട്ടത്തിൽ സീഡ് ചെയ്യാത്ത ജർമ്മൻ താരം യാൻ-ലനാർഡ് സ്ട്രഫ്‌ ആണ് ജ്യോക്കോവിച്ചിന്റെ എതിരാളി. അതേസമയം സ്വിസ് താരം ജെറോമിനെ 7-6, 6-7, 6-4, 6-4 എന്ന സ്കോറിന് തോൽപ്പിച്ചു നാലാം സീഡ് അമേരിക്കൻ താരം ടെയിലർ ഫ്രിറ്റ്സും യു.എസ് ഓപ്പൺ അവസാന പതിനാറിലേക്ക് മുന്നേറി.