ലോക രണ്ടാം നമ്പർ താരം അരിന സബലെങ്ക ഒളിമ്പിക്സ് സ്വർണമെഡൽ ജേതാവായ ഷെങ് ക്വിൻവെനെ 6-1, 6-2 എന്ന സ്കോറിന് തോൽപ്പിച്ച് തുടർച്ചയായ നാലാം യുഎസ് ഓപ്പൺ സെമിഫൈനൽ ഉറപ്പിച്ചു. ഓസ്ട്രേലിയൻ ഓപ്പൺ ചാമ്പ്യനും കഴിഞ്ഞ വർഷം രണ്ടാം സ്ഥാനക്കാരിയുമായ സബലെങ്ക ഇനി സെമി ഫൈനലിൽ അമേരിക്കയുടെ എമ്മ നവാരോയെ നേരിടും. സബലെങ്കയുടെ കരിയറിലെ ഒമ്പതാം ഗ്രാൻഡ്സ്ലാം സെമിഫൈനലാണിത്.
13-ാം സീഡായ നവാരോ, സ്പെയിനിൻ്റെ പോള ബഡോസയെ നേരിട്ടുള്ള സെറ്റുകൾക്ക് തോൽപ്പിച്ച് ചൊവ്വാഴ്ച ആദ്യ സ്ലാം സെമിയിൽ എത്തി. ഇന്ത്യൻ വെൽസിൽ ഏറ്റുമുട്ടിയപ്പോൾ നവോര സബലെങ്കയെ തോൽപ്പിച്ചിരുന്നു. ഫ്രഞ്ച് ഓപ്പണിൽ ഇരുവരുടെയും പോരാട്ടത്തിൽ സബലെങ്കയും വിജയിച്ചു. ഈ സീസണിൽ സബലെങ്കയും നവാരോയും 1-1 എന്ന ഹെഡ് ടു ഹെഡ് റെക്കോർഡിലാണ്.
