റാഫേൽ നദാലിന് പരാജയം. അബുദാബിയിൽ വെച്ച് നടക്കുന്ന മുബട്ല വേൾഡ് ടെന്നീസ് ചാമ്പ്യൻഷിപ്പിന്റെ സെമിയിലാണ് നദാൽ പരാജയമേറ്റു വാങ്ങിയത്. 112 ദിവസത്തെ ഇടവേളയ്ക്ക് ശേഷം ആദ്യ ടൂർണമെന്റ് മാച്ചിനിറങ്ങിയ നദാലിനെ കെവിൻ ആൻഡേഴ്സണാണ് പരാജയപ്പെടുത്തിയത്. സ്കോർ 4-6, 6-3, 6-4 .
മത്സരശേഷം തന്റെ നിരാശ നദാൽ മറച്ചു പിടിച്ചില്ല. ജയത്തോടെ ഈ സീസൺ ആരംഭിക്കാനായിരുന്നു തന്റെ ആഗ്രഹമെന്ന് അദ്ദേഹം പറഞ്ഞു. കാനഡ (2010), ഓസ്ട്രേലിയ (2015), പാരീസ് (2015), ബാഴ്സലോണ (2017) 2017 യുഎസ് ഓപ്പൺ എന്നിവയിൽ കെവിൻ ആൻഡേഴ്സണിനെ പരാജയപ്പെടുത്താൻ നദാലിന് സാധിച്ചിരുന്നു.
