കാൽമുട്ടിനേറ്റ പരുക്കിനെത്തുടർന്ന് ഓസ്ട്രേലിയൻ ഓപ്പണിൽ നിന്ന് നിക്ക് കിരിയോസ് പിന്മാറി. ഓസ്ട്രേലിയയുടെ കിരീട പ്രതീക്ഷ ആയിരുന്നു നിക്ക് കിരിയോസ്. കഴിഞ്ഞ വർഷം വിംബിൾഡണിൽ റണ്ണറപ്പായിരുന്നി കിരിയോസ്. 27 കാരനായ കിരിയോസ് ലോക 21-ാം നമ്പർ താരം റഷ്യയുടെ റോമൻ സഫിയുല്ലിനെതിരെയായിരുന്നു ആദ്യ റൗണ്ടിൽ കളിക്കാനിരുന്നത്.
സ്വന്തം നാട്ടിൽ നടക്കുന്ന ഈ വലിയ ടൂർണമെന്റിൽ നിന്ന് പിന്മാറേണ്ടി വന്നതിൽ താൻ അതീവ ദുഖത്തിൽ ആണെന്ന് താരൻ പറഞ്ഞു. ഓസ്ട്രേലിയൻ ഓപ്പണിൽ സ്വന്തം നാട്ടുകാരനായ ഒരു പുരുഷ ചാമ്പ്യനായുള്ള ഓസ്ട്രേലിയയുടെ 47 വർഷത്തെ കാത്തിരിപ്പ് ഇനിയുൻ തുടരേണ്ടി വരും എന്ന് ഇതോടെ ഉറപ്പായി. പരിക്ക് മാറാൻ കിരിയോസ് ശസ്ത്രക്രിയക്ക് വിധേയനാകും.
