ഇറ്റലിയുടെ ജാനിക് സിന്നർ പുരുഷ സിംഗിൾസ് ഫൈനലിൽ ഡാനിൽ മെദ്‌വദേവിനെ പരാജയപ്പെടുത്തി ഓസ്ട്രേലിയൻ ഓപ്പൺ 2024 കിരീടം നേടി. അവിശ്വസനീയമായ തിരിച്ചുവരവ് നടത്തി ആയിരുന്നു സിന്നറിന്റെ വിജയം. ആദ്യ രണ്ട് സെറ്റുകളും നഷ്ടപ്പെട്ട ശേഷമാണ് അദ്ദേഹം തിരിച്ചുവന്ന് ജയിച്ചത്. റോഡ് ലേവർ അരീനയിൽ നടന്ന മത്സരത്തിൽ മെദ്‌വദേവിനെ 3-6, 3-6, 6-4, 6-4, 6-3 എന്ന സ്‌കോറിനാണ് സിന്നർ തോൽപ്പിച്ചത്. 3 മണിക്കൂർ 44 മിനിറ്റ് ആണ് മത്സരം നീണ്ടു നിന്നത്.
ഓപ്പൺ എറയിൽ ഗ്രാൻഡ്സ്ലാം നേടുന്ന രണ്ടാമത്തെ ഇറ്റാലിയൻ താരമായി സിന്നർ ഇതോടെ മാറി. 22-ആം വയസ്സിൽ കിരീടം നേടിയ സിന്നർ, ജോക്കോവിച്ചിനും ജിം കൊറിയറിനും ശേഷം ഓസ്ട്രേലിയൻ ഓപ്പൺ നേടുന്ന നേടിയ മൂന്നാമത്തെ ഏറ്റവും പ്രായം കുറഞ്ഞ വ്യക്തിയായി മാറി. സിന്നർ നേരത്തെ ജോക്കോവിചിനെ ഓസ്ട്രേലിയൻ ഓപ്പണിൽ നിന്ന് പുറത്താക്കിയിരുന്നു
