ലോക ഒന്നാം നമ്പറും ഒന്നാം സീഡുമായ ഇഗ സ്വിറ്റെക് ഓസ്ട്രേലിയൻ ഓപ്പണിൽ നിന്ന് പുറത്ത്. 19കാരിയായ ലിൻഡ നോസ്‌കോവയ്‌ക്കെതിരായ മൂന്നാം റൗണ്ടിൽ ഞെട്ടിക്കുന്ന തോൽവി ഇഗാ സ്വിറ്റെക്കിന് ശമ്മാനിച്ചത്. ഓസ്ട്രേലിയൻ ഓപ്പൺ നേടാനുള്ള ഇഗയുടെ കാത്തിരിപ്പ് തുടരും എന്ന് ഈ പരാജയത്തോടെ ഉറപ്പായി.
50-ാം റാങ്കുകാരിയായ നോസ്കോവ ആദ്യ സെറ്റ് കൈവിട്ടുപോയ ശേഷമാണ് വിജയിച്ചു കയറിയത്. നോസ്കോവ 3-6, 6-3, 6-4 എന്ന സ്‌കോറിന് ആയിരുന്നു വിജയം. ഇതോടെ ലിൻഡ കരിയറിൽ ആദ്യമായി ഒരു ഗ്രാൻഡ് സ്ലാം ടൂർണമെന്റിന്റെ നാലാം റൗണ്ടിലേക്ക് മുന്നേറി. ചെക്ക് യുവതാരം സ്വിടെക്കിന്റെ തുടർച്ചയായ 17 വിജയങ്ങളുടെ ജൈത്രയാത്രയ്ക്കും ഇതോടെ വിരാമമിട്ടു.
