ബുധനാഴ്ച നടന്ന ക്വാർട്ടർ ഫൈനൽ പോരാട്ടത്തിനിടെ അഞ്ചാം സീഡ് ലോറെൻസോ മുസെറ്റി പരിക്ക് മൂലം പിന്മാറിയതോടെ നോവാക് ജോക്കോവിച്ച് ഓസ്ട്രേലിയൻ ഓപ്പൺ സെമിഫൈനലിലേക്ക് മുന്നേറി. മെൽബണിലെ റോഡ് ലാവർ അരീനയിൽ നടന്ന മത്സരത്തിൽ ആദ്യ രണ്ട് സെറ്റുകൾ 6-4, 6-3 എന്ന സ്കോറിന് നേടി മുസെറ്റി ആധിപത്യം പുലർത്തിയിരുന്നു. എന്നാൽ മൂന്നാം സെറ്റിൽ 1-3 എന്ന നിലയിൽ ജോക്കോവിച്ച് തിരിച്ചുവരുന്നതിനിടെ ഇറ്റാലിയൻ താരത്തിന് ഹാംസ്ട്രിങ്ങിന് പരിക്കേൽക്കുകയായിരുന്നു. ഇതോടെ കളി തുടരാനാകാതെ മുസെറ്റി പിന്മാറുകയായിരുന്നു.
തന്റെ ഇരുപത്തിയഞ്ചാം ഗ്രാൻഡ്സ്ലാം കിരീടമെന്ന ചരിത്രനേട്ടത്തിലേക്കുള്ള യാത്രയിലാണ് പത്ത് തവണ മെൽബണിൽ കിരീടം നേടിയ ജോക്കോവിച്ച്. അടുത്ത മാസം 39 വയസ്സ് തികയുന്ന സെർബിയൻ താരം തന്റെ അമ്പതാം ഗ്രാൻഡ്സ്ലാം സെമിഫൈനലിനാണ് ഇപ്പോൾ യോഗ്യത നേടിയിരിക്കുന്നത്.
സെമിഫൈനലിൽ നിലവിലെ ചാമ്പ്യൻ സിന്നറും ഷെൽട്ടണും തമ്മിലുള്ള മത്സരത്തിലെ വിജയി ആകും ജോക്കോവിച്ചിന്റെ എതിരാളി.
