ഇന്ന് നടന്ന ഓസ്ട്രേലിയൻ ഓപ്പണിൻ്റെ ഫൈനലിൽ അരിന സബലെങ്ക വിജയിച്ചു. ഷെങ് ക്വിൻവെനെ തോൽപ്പിച്ചാണ് അരിന സബലെങ്ക തൻ്റെ രണ്ടാം ഗ്രാൻഡ് സ്ലാം കിരീടം ഇന്ന് സ്വന്തമാക്കിയത്. വിക്ടോറിയ അസരെങ്കയ്ക്ക് ശേഷം മെൽബണിൽ തുടർച്ചയായി കിരീടങ്ങൾ നേടുന്ന ആദ്യ താരമായി സബലെങ്ക മാറി.
റോഡ് ലാവർ അരീനയിൽ നടന്ന മത്സരത്തിൽ 6-3, 6-2 എന്ന സ്കോറിന് നേരിട്ടുള്ള സെറ്റുകൾക്ക് ആയിരുന്നു സബലെങ്കയുടെ വിജയം. ഒരു മണിക്കൂറും 16 മിനിറ്റും മാത്രമാണ് പോരാട്ടം നീണ്ടു നിന്നത്. ഈ വിജയത്തോടെ സബലെങ്ക ലോക റാങ്കിങിൽ രണ്ടാം സ്ഥാനത്ത് തുടരും.
