primus mobile
primus mobile

എ.ടി.പി ഫൈനൽസിൽ വീണ്ടും തോൽവി വഴങ്ങി നദാൽ, തുടർച്ചയായ നാലാം തോൽവി

Img 20221115 Wa0363

എ.ടി.പി ഫൈനൽസിൽ ഗ്രീൻ ഗ്രൂപ്പിൽ രണ്ടാം മത്സരത്തിലും തോൽവി വഴങ്ങി റാഫേൽ നദാൽ. ഫ്രിറ്റ്സിനോട് ആദ്യ മത്സരത്തിൽ തോൽവി വഴങ്ങിയ നദാൽ ഇന്ന് ഫെലിക്‌സ് ആഗർ അലിയസ്മെയോട് നേരിട്ടുള്ള സെറ്റുകൾക്ക് ആണ് തോൽവി വഴങ്ങിയത്. മത്സരത്തിൽ ഒരു ഘട്ടത്തിലും ഫെലിക്‌സിന് മേൽ ആധിപത്യം നേടാൻ നദാലിന് ആയില്ല.

ഓരോ സെറ്റിലും ഓരോ ബ്രേക്ക് വീതം നേടിയ ഫെലിക്‌സ് 6-3,6-4 എന്ന സ്കോറിന് ആണ് ജയം കണ്ടത്. 15 ഏസുകൾ ആണ് മത്സരത്തിൽ അഞ്ചാം സീഡ് ആയ ഫെലിക്‌സ് ഉതിർത്തത്. എ.ടി.പി ഫൈനൽസിൽ തന്റെ കരിയറിലെ ആദ്യ ജയം കുറിച്ച ഫെലിക്‌സ് നദാലിനെ ഇത് ആദ്യമായാണ് തോൽപ്പിക്കുന്നത്. തോൽവിയോടെ വർഷാവസാനം ലോക ഒന്നാം നമ്പർ ആവാനുള്ള നദാലിന്റെ പ്രതീക്ഷ അവസാനിച്ചു. കരിയറിൽ ഇത് രണ്ടാം തവണയാണ് നദാൽ തുടർച്ചയായി നാലു മത്സരങ്ങൾ തോൽക്കുന്നത്.