Tag: Yashasvi Jaiswal

പെർത്തിൽ ഓസ്‌ട്രേലിയയ്‌ക്കെതിരായ ബോർഡർ-ഗവാസ്‌കർ ട്രോഫിയുടെ ആദ്യ ടെസ്റ്റിൻ്റെ രണ്ടാം ഇന്നിംഗ്‌സിൽ ഇന്ത്യൻ ഓപ്പണർമാരായ യശസ്വി ജയ്‌സ്വാളും കെഎൽ രാഹുലും ചരിത്രപരമായ പ്രകടനം നടത്തി. അവരുടെ 201 റൺസിൻ്റെ ഓപ്പണിംഗ് കൂട്ടുകെട്ട് ഇന്ത്യയ്ക്ക് ഒരു കമാൻഡിംഗ് സ്ഥാനം ഉറപ്പാക്കുക മാത്രമല്ല, ഓസ്‌ട്രേലിയയിൽ ഒരു ഇന്ത്യൻ ജോഡിയുടെ എക്കാലത്തെയും ഉയർന്ന ഓപ്പണിംഗ് കൂട്ടുകെട്ടിൻ്റെ റെക്കോർഡും തകർത്തു. 1986ൽ സിഡ്‌നിയിൽ സുനിൽ ഗവാസ്‌കറും ക്രിസ് ശ്രീകാന്തും സ്ഥാപിച്ച 191 റൺസിൻ്റെ റെക്കോർഡാണ് ഇപ്പോൾ ഇവർ മറികടന്നത്.

ഓസ്‌ട്രേലിയയിലെ ഇന്ത്യയുടെ മൊത്തത്തിലുള്ള ഏറ്റവും ഉയർന്ന കൂട്ടുകെട്ടുകളിൽ ഈ കൂട്ടുകെട്ട് ആറാം സ്ഥാനത്താണ്. ജയ്‌സ്വാൽ സെഞ്ച്വറിയുമായി പുറത്താകാതെ നിൽക്കുകയാണ്. രാഹുൽ 77 റൺസ് എടുത്ത് പുറത്തായി.

Top Opening Stands by Indian Openers in Australia:

1. Yashasvi Jaiswal, KL Rahul – 201 runs (2024)
2. Sunil Gavaskar, Kris Srikkanth – 191 runs (1986)
3. Chetan Chauhan, Sunil Gavaskar – 165 runs (1981)
4. Aakash Chopra, Virender Sehwag – 141 runs (2003)
5. Mulvantrai Mankad, Chintaman Sarwate – 124 runs (1948)

ഓസ്‌ട്രേലിയക്കെതിരായ പെർത്ത് ടെസ്റ്റിൻ്റെ രണ്ടാം ദിനത്തിൽ ഒരു കലണ്ടർ വർഷത്തിൽ ഏറ്റവും കൂടുതൽ റൺസ് നേടിയ ഇന്ത്യൻ ഇടംകൈയ്യൻ ബാറ്റ്‌സ്മാൻ എന്ന ഗൗതം ഗംഭീറിൻ്റെ 16 വർഷം പഴക്കമുള്ള റെക്കോർഡ് യശസ്വി ജയ്‌സ്വാൾ മറികടന്നു. 2024-ൽ 55.28 ശരാശരിയിൽ 1200-ലധികം റൺസ് നേടിയ ജയ്‌സ്വാൾ 2008-ൽ ഗംഭീറിൻ്റെ 1134 റൺസ് ആണ് മറികടന്നത്. ആദ്യ ഇന്നിംഗ്‌സിൽ ജയ്‌സ്വാൾ ഡക്കിന് പുറത്തായെങ്കിലും, രണ്ടാം ഇന്നിംഗ്‌സിൽ 90 റൺസ് നേടി പുറത്താകാതെ നിൽക്കുകയാണ്.

ജയ്‌സ്വാളിൻ്റെ സ്ഥിരതയാർന്ന പ്രകടനങ്ങൾ അദ്ദേഹത്തെ 2024-ലെ ഇന്ത്യയുടെ ഏറ്റവും മികച്ച ടെസ്റ്റ് ബാറ്ററാക്കി, ഏഴ് അർധസെഞ്ചുറികളും രണ്ട് ഡബിൾ സെഞ്ചുറികളും ഈ വർഷം ജയ്സ്വാൾ നേടി. ഇംഗ്ലണ്ട് പരമ്പരയിൽ 700-ലധികം റൺസ് നേടിയിരുന്നു. 1338 റൺസുള്ള ഇംഗ്ലണ്ടിൻ്റെ ജോ റൂട്ട് മാത്രം ആണ് ഈ വർഷം റൺസിൽ ജയ്സ്വാളിന് മുന്നിൽ ഉള്ളത്.

ഇന്ത്യയുടെ യുവ ഓപ്പണർ യശസ്വി ജയ്സ്വാൾ കരിയറിലെ ഏറ്റവും മികച്ച റാങ്കിംഗിൽ എത്തി. ബംഗ്ലാദേശിനെതിരായ കാൺപൂർ ടെസ്റ്റിലെ തകർപ്പൻ പ്രകടനത്തെത്തുടർന്ന് ഐസിസി ടെസ്റ്റ് ബാറ്റർ റാങ്കിംഗിൽ ആദ്യ 3-ലേക്ക് താരം എത്തി. അവസാന ടെസ്റ്റിൽ 72-ഉം 51-ഉം റൺസ് നേടിയതിന് പ്ലെയർ ഓഫ് ദി മാച്ച് ആയി തിരഞ്ഞെടുക്കപ്പെട്ട ജയ്‌സ്വാൾ അഞ്ചാം സ്ഥാനത്ത് നിന്ന് രണ്ട് സ്ഥാനങ്ങൾ മെച്ചപ്പെടുത്തി, സ്റ്റീവ് സ്മിത്തിനെ മറികടന്ന് മൂന്നാം സ്ഥാനത്തെത്തി.

792 റേറ്റിംഗ് പോയിൻ്റുമായി, ഇംഗ്ലണ്ടിൻ്റെ ജോ റൂട്ട് ആണ് ഒന്നാമത്. ന്യൂസിലൻഡിൻ്റെ കെയ്ൻ വില്യംസൺ രണ്ടാമതും നിൽക്കുന്നു. വിരാട് കോഹ്‌ലി ആറാം സ്ഥാനത്ത് തുടരുമ്പോൾ ഋഷഭ് പന്ത് 9-ാം റാങ്കിൽ നിൽക്കുന്നു. അതേസമയം, രോഹിത് ശർമ്മ 15-ാം സ്ഥാനത്തേക്കും ശുഭ്മാൻ ഗിൽ 16-ാം സ്ഥാനത്തേക്കും പിന്തള്ളപ്പെട്ടു.

ബംഗ്ലാദേശിന് എതിരായ ആദ്യ ടെസ്റ്റിന്റെ ആദ്യ ദിനം ചായക്കായി പിരിയുമ്പോൾ ഇന്ത്യ 6 വിക്കറ്റ് നഷ്ടത്തിൽ 176 എന്ന നിലയിൽ. ലഞ്ചിന് ശേഷം മൂന്ന് വിക്കറ്റുകൾ ഇന്ത്യക്ക് നഷ്ടമായി. ജയ്സ്വാളിന്റെ അർധ സെഞ്ച്വറി മാത്രമാണ് ഇന്ത്യക്ക് ഇന്ന് ആശ്വാസം നൽകുന്നത്.

ജയ്സ്വാൾ 118 പന്തിൽ നിന്ന് 56 റൺസ് എടുത്താണ് പുറത്തായത്‌. 39 റൺസ് എടുത്ത് നിൽക്കെ പന്തിനെയും നഷ്ടമായി. 16 റൺസ് എടുത്ത രാഹുലാണ് ഈ സെഷനിൽ ഇന്ത്യക്ക് നഷ്ടമായ മറ്റൊരു വിക്കറ്റ്.

രാവിലെ നടന്ന സെഷനിൽ ഇന്ത്യക്ക് ഗിൽ (0), കോഹ്ലി (6), രോഹിത് (6) എന്നിവരെയും നഷ്ടമായിരുന്നു. ബംഗ്ലാദേശിനായി ഹസൻ മഹ്മുദ് നാലു വിക്കറ്റ് നേടി. മെഹ്ദി ഹസൻ, നഹിദ് റാണ എന്നിവർ ഒരോ വിക്കറ്റ് വീതവും നേടി. ഇപ്പോൾ 21 റൺസുമായി അശ്വിനും 7 റൺസുമായി ജഡേജയും ആണ് ക്രീസിൽ ഉള്ളത്.

ശ്രീലങ്കയ്ക്ക് എതിരായ രണ്ടാം ടി20യിലും ഇന്ത്യക്ക് വിജയം. ഇന്ന് നടന്ന മത്സരത്തിൽ 8 ഓവറിൽ 78 റൺസ് ആയിരുന്നു ഇന്ത്യയുടെ വിജയലക്ഷ്യം. ഇത് ഏഴാം ഓവറിലേക്ക് മറികടക്കാൻ ഇന്ത്യക്ക് ആയി. ഈ വിജയത്തോടെ ഇന്ത്യ പരമ്പര സ്വന്തമാക്കി. ഇനി ഒരു ടി20 മത്സരം കൂടെ ബാക്കിയിരിക്കെ ആണ് ഇന്ത്യയുടെ പരമ്പര വിജയം.

നേരത്തെ ശ്രീലങ്ക 161 റൺസ് ആയിരുന്നു എടുത്തിരുന്നത്. ഇന്ത്യ ചെയ്സ് ആരംഭിച്ചപ്പോൾ തന്നെ മഴ എത്തിയിരുന്നു. 6 റൺസ് എടുത്ത് നിൽക്കെ ആണ് ഇന്ത്യ കളി നിർത്തിവെക്കേണ്ടി വന്നത്.

മഴ മാറി കളി പുനരാരംഭിക്കുമ്പോൾ ഇന്ത്യയുടെ വിജയലക്ഷ്യം 8 ഓവറിൽ 78 ആക്കി ഡെക്ക്വർത്ത് ലൂയിസ് നിയമപ്രകാരം പുതുക്കി. ആകെ 2 ഓവർ മാത്രമെ പവർ പ്ലേ ഉണ്ടായിരുന്നുള്ളൂ. സഞ്ജു സാംസൺ ഡക്കിൽ പോയെങ്കിലും സൂര്യകുമാറും ജയ്സ്വാളും ചേർന്ന് ഇന്ത്യയ്ർ വിജയത്തിലേക്ക് നയിച്ചു.

സൂര്യകുമാർ യാദവ് 12 പന്തിൽ നിന്ന് 26 റൺസ് എടുത്തു. ജയ്സ്വാൾ 15 പന്തിൽ 30 റൺസും എടുത്തു. പിന്നെ ഹാർദികിനും പന്തിനും കളി ഫിനിഷ് ചെയ്യേണ്ട പണിയേ ഉണ്ടായിരുന്നുള്ളൂ. 6.3 ഓവറിലേക്ക് ഇന്ത്യ വിജയം ഉറപ്പിച്ചു.

ഇന്ന് ആദ്യം ബാറ്റു ചെയ്ത ശ്രീലങ്ക 20 ഓവറിൽ 9 വിക്കറ്റ് നഷ്ടത്തിൽ 161 റൺസ് എടുത്തു. അവർക്ക് ആയി ഇന്ന് കുശാൽ പെരേര ആണ് അർധ സെഞ്ച്വറിയുമായി തിളങ്ങിയത്. കുശാൽ പെരേര 34 പന്തിൽ നിന്ന് 53 റൺസ് എടുത്തു. 2 സിക്സും 6 ഫോറും അദ്ദേഹത്തിന്റെ ഇന്നിംഗ്സിൽ ഉണ്ടായിരുന്നു.

പതും നിസാങ്ക 32 റൺസുമായി തിളങ്ങി. 24 പന്തിൽ നിന്നാണ് നിസങ്ക 32 റൺസ് എടുത്തത്. കമിന്ദു മെൻഡിസ് 26 റൺസും എടുത്തു.

ഇന്ത്യക്ക് ആയി ഹാർദിക് പാണ്ഡ്യയും അക്സർ പട്ടേലും അർഷ്ദീപും 2 വിക്കറ്റു വീതവും രവി ബിഷ്ണോയ് 3 വിക്കറ്റും വീഴ്ത്തി.