Tag: Team India

ഏഷ്യൻ ഗെയിംസിൽ ഇന്ത്യൻ ക്രിക്കറ്റ് ടീം ഫൈനലിൽ. ഇന്ന് സെമി ഫൈനലിൽ ബംഗ്ലാദേശിനെ 9 വിക്കറ്റിനാണ് ഇന്ത്യ തോൽപ്പിച്ചത്‌. ആദ്യ ബാറ്റു ചെയ്ത ബംഗ്ലാദേശിന് 20 ഓവറിൽ 96-9 എന്ന റൺസ് മാത്രമെ എടുക്കാൻകായിരുന്നുള്ളൂ. മറുപടി ബാറ്റിങിന് ഇറങ്ങിയ ഇന്ത്യ 9.2 ഓവറിലേക്ക് ഒരു വിക്കറ്റ് മാത്രം നഷ്ടത്തിൽ ലക്ഷ്യം കണ്ടു‌.

ജയ്സ്വാളിനെ റൺ ഒന്നും എടുക്കാതെ നഷ്ടപ്പെട്ടു എങ്കിലും റുതുരാജും തിലക് വർമ്മയും ചേർന്ന് ഇന്ത്യയെ വിജയത്തിൽ എത്തിക്കുക ആയിരുന്നു. തിലക് വർമ്മ 26 പന്തിൽ നിന്ന് 55 റൺസ് അടിച്ചു‌. 6 സിക്സും 2 ഫോറും ഉൾപ്പെടുന്നതായിരുന്നു ഇന്നിംഗ്സ്‌. റുതുരാജ് 26 പന്തിൽ 40 റൺസുമായി പുറത്താകാതെ നിന്നു. 3 സിസ്കും 4 ഫോറും അദ്ദേഹം പറത്തി.

ഇന്ത്യക്ക് ആയി നേരത്തെ സായ് കിഷോർ 3 വിക്കറ്റും വാഷിങ്ടൻ സുന്ദർ രണ്ട് വിക്കറ്റും എടുത്ത് നല്ല ബൗളിംഗ് പ്രകടനം കാഴ്ചവെച്ചിരുന്നു‌. പാകിസ്താനും അഫ്ഗാനിസ്താനും തമ്മിൽ ആണ് രണ്ടാം സെമി.

ഏഷ്യൻ ഗെയിംസിന്റെ ചരിത്രത്തിൽ ആദ്യമായി ഇന്ത്യ 20 സ്വർണ്ണം എന്ന നേട്ടത്തിൽ എത്തി. ഇന്ന് സ്ക്വാഷ് മിക്സ്ഡ് ഡബിൾസ് ഫൈനലിൽ ഇന്ത്യൻ സഖ്യമായ ദീപിക പല്ലിക്കലും ഹരീന്ദർപാൽ സിംഗും ജയിച്ചതോടെ ഇന്ത്യയുടെ സ്വർണ്ണ നേട്ടം 20 ആയത്. 2-0ന് മലേഷ്യൻ സഖ്യത്തെ ആണ് ഇന്ത്യൻ താരങ്ങൾ പരാജയപ്പെടുത്തിയത്. ഇന്ത്യയുടെ ഇന്നത്തെ രണ്ടാം സ്വർണ്ണമാണ്. നേരത്തെ അമ്പെയ്ത്തിലും ഇന്ത്യ സ്വർണ്ണം നേടിയിരുന്നു.

ആകെ ഇന്ത്യക്ക് ഈ ഏഷ്യൻ ഗെയിംസിൽ ഇതോടെ 83 മെഡൽ ആയി. ഏഷ്യൻ ഗെയിംസ് ചരിത്രത്തിലെ ഇന്ത്യയുടെ ഏറ്റവും മികച്ച മെഡൽ നേട്ടമാണ് ഇത്. 20 സ്വർണ്ണത്തോടൊപ്പം 31 വെള്ളിയും 32 വെങ്കലവും ഇന്ത്യ ഇതുവരെ നേടി. 100 മെഡലുകൾ എന്ന മാന്ത്രിക സംഖ്യയിൽ എത്തുക ആകും ഇന്ത്യൻ ടീമിന്റെ ഇനിയുള്ള ലക്ഷ്യം.

ഏഷ്യൻ ഗെയിംസിൽ ഇന്ത്യ മെഡൽ വേട്ട തുടരുന്നു. ഇന്ന് രാവിലെ അമ്പെയ്ത്തിൽ ഇന്ത്യ ഒരു സ്വർണ്ണം നേടി. ഫൈനലിൽ ചൈനീസ് തായ്‌പേയിയെ 230-229 എന്ന സ്‌കോറിന് തോൽപ്പിച്ച് ആണ് ഇന്ത്യൻ വനിതാ കോമ്പൗണ്ട് അമ്പെയ്ത്ത് ടീം ഏഷ്യൻ ഗെയിംസിൽ സ്വർണം ഉറപ്പിച്ചത്.

ഇന്ത്യയുടെ 19ആം സ്വർണ്ണം ആണിത്. ആകെ ഇന്ത്യക്ക് ഏഷ്യൻ ഗെയിംസിൽ 82 മെഡലും ആയി. ആവേശകരമായ ഫിനിഷാണ് അമ്പെയ്ത്തിൽ കണ്ടത്. അവസാനം ആദ്യ ഷോട്ട് എടുത്ത ഇന്ത്യക്ക് 230 പോയിന്റിലെത്തി. ചൈനീസ് തായ്‌പേയ്‌ക്ക് അവരുടെ അവസാന മൂന്ന് ഷോട്ടുകളിൽ നിന്ന് 30 റൺസ് വേണ്ടിയിരുന്നെങ്കിലും 29 റൺസ് മാത്രമാണ് നേടാനായത്.

ഒരു ഏഷ്യൻ ഗെയിംസിൽ ഇന്ത്യയുടെ ഏറ്റവും മികച്ച മെഡൽ റെക്കോർഡ് ഇനി ഈ ഏഷ്യൻ ഗെയിംസിന്റെ പേരിൽ ആകും. മെഡൽ വേട്ടയിൽ ഇന്ത്യ ഇന്ന് സർവ്വകാല റെക്കോർഡ് തകർത്തു. മിക്‌സഡ് ടീം കോമ്പൗണ്ട് അമ്പെയ്ത്ത് ഫൈനലിൽ ഇന്ത്യ സ്വർണ്ണം നേടിയതോടെ ഇന്ത്യയുടെ മെഡൽ എണ്ണം 71 ആയി. ഇന്ത്യയുടെ ഓജസ് പ്രവീണും ജ്യോതി സുരേഖയും ആണ് അമ്പെയ്ത്തിൽ സ്വർണ്ണം കൊണ്ടു വന്നത്‌.

ദക്ഷിണ കൊറിയയ്‌ക്കെതിരെ 159-158 എന്ന സ്‌കോറിന് ഇന്ത്യ ജയിച്ചു. ഈ ഇനത്തിൽ മൂന്നാം സ്ഥാനത്തിനായുള്ള മത്സരത്തിൽ കസാക്കിസ്ഥാനെ 157-154ന് പരാജയപ്പെടുത്തിയ ചൈനീസ് തായ്‌പേയ് വെങ്കലം നേടി.

അമ്പെയ്ത്ത് സ്വർണത്തോടെ, ഏഷ്യൻ ഗെയിംസിലെ തങ്ങളുടെ എക്കാലത്തെയും മികച്ച മെഡൽ നേട്ടം ഇന്ത്യ രേഖപ്പെടുത്തി. 2018ലെ 70 മെഡലുകൾ എന്ന നേട്ടമാണ് ഇന്ത്യ മറികടന്നത്. 16 സ്വർണവും 26 വെള്ളിയും 29 വെങ്കലവുമടക്കം 71 മെഡലുകളാണ് ഇന്ത്യ ഇതുവരെ നേടിയത്. 2018ൽ ജക്കാർത്തയിലും പാലംബാംഗിലും നടന്ന ഗെയിംസിൽ 16 സ്വർണവും 23 വെള്ളിയും 31 വെങ്കലവുമടക്കം 70 മെഡലുകളാണ് ഇന്ത്യ നേടിയത്.

ഏഷ്യൻ ഗെയിംസിൽ ഒരു സ്വർണ്ണം കൂടെ ഉറപ്പിച്ച് ഇന്ത്യ. പുരുഷന്മാരുടെ വ്യക്തിഗത അമ്പെയ്ത്ത് കോമ്പൗണ്ട് ഇനത്തിലെ ഇന്ത്യയുടെ രണ്ട് താരങ്ങൾ ഫൈനലിൽ എത്തി. ഇന്ത്യയുടെ അഭിഷേക് വർമ്മ 147-145 ന് ജെഹൂൺ ജൂയെ തോൽപ്പിച്ചു ഫൈനലിൽ എത്തിയപ്പോൾ. തുടർച്ചയായ രണ്ടാം തവണയും 150ൽ 150 സ്കോറുമായി ലോക ചാമ്പ്യനായ ഓജസ് പ്രവീൺ ഡിയോട്ടേൽ കൊറിയയുടെ യാങ് ജേവോണിനെ തോൽപ്പിച്ചും ഫൈനലിൽ എത്തി.

ഫൈനലിൽ ഓജസ് പ്രവീൺ അഭിഷേക് വർമയെ നേരിടും. ഇവന്റിൽ ഇതോടെ ഇന്ത്യക്ക് സ്വർണ്ണവും വെള്ളിയും ഉറപ്പായി. ഒക്ടോബർ 7നാകും ഫൈനൽ നടക്കുക.

ഏഷ്യൻ ഗെയിംസ് അത്ലറ്റിക്സിൽ ഇന്ത്യക്ക് മറ്റൊരു മെഡൽ കൂടെ. ഇന്ത്യയുടെ 4×400 മീറ്റർ മിക്‌സഡ് റിലേ ടീം ഇന്ന് വെള്ളി മെഡൽ നേടി. ബഹ്‌റൈനും ശ്രീലങ്കയ്ക്കും പിന്നിൽ ഇന്ത്യ 3-ാം സ്ഥാനത്താണ് ഫിനിഷ് ചെയ്തത് എങ്കിലും ശ്രീലങ്കൻ അയോഗ്യരാക്കപ്പെട്ടതോടെ ഇന്ത്യയുടെ മെഡൽ വെള്ളിയായി മാറി.

ഏഷ്യൻ ഗെയിംസിൽ 4×400 മീറ്റർ മിക്സഡ് റിലേയിൽ നിലവിലെ ചാമ്പ്യന്മാരായിരുന്നു ഇന്ത്യ. മുഹമ്മദ് അനസ് ഉൾപ്പെടെയുള്ള പ്രമുഖർ ഇല്ലാതെ ഇറങ്ങിയത് ആണ് ഇന്ത്യയെ ഇറങ്ങിയത്. മുഹമ്മദ് അജ്മൽ (43.14 സെ.), വിത്യ രാംരാജ് (54.19), രാജേഷ് രമേഷ് (45.77), ശുഭ വെങ്കിടേശൻ (51.24 സെ.) എന്നിവരുടെ ടീം 3.14.34 സെക്കൻഡിൽ ആണ് ഇന്ന് ഓടി എത്തിയത്.
ഹാങ്‌ഷൗവിൽ നടന്ന ഏഷ്യൻ ഗെയിംസിൽ അത്‌ലറ്റിക്‌സിൽ ഇന്ത്യയുടെ 12-ാം മെഡലാണിത്.

3:14.02 സെക്കൻഡിലാണ് ബഹ്‌റൈൻ സ്വർണം നേടിയത്.

ഹാങ്‌ഷൗവിൽ അത്ലറ്റിക്സിൽ ഇന്ത്യക്ക് രണ്ട് മെഡൽ കൂടെ. ഇന്ന് നടന്ന വനിതകളുടെ 3000 മീറ്റർ സ്റ്റീപ്പിൾ ചേസിൽ ഇന്ത്യയുടെ പാരുൾ ചൗധരി വെള്ളി നേടിയപ്പോൾ ഇന്ത്യയുടെ തന്നെ പ്രീതി വെള്ളിയും നേടി. 3000 മീറ്റർ സ്റ്റീപ്പിൾ ചേസിൽ പാരുൾ ചൗധരി 9.27.63 സെക്കൻഡിൽ ഫിനിഷ് ചെയ്താണ് വെള്ളി നേടിയത്.

ലോക ചാമ്പ്യൻ യാവി വിൻഫ്രഡ് 9:18.26 സെക്കൻഡിൽ ഫിനിഷ് ചെയ്ത് ഏഷ്യൻ ഗെയിംസ് റെക്കോർഡ് തകർത്ത് സ്വർണം നേടി. 9:43.32 സെക്കൻഡിൽ ഫിനിഷ് ചെയ്താണ് പ്രീതി മൂന്നാം സ്ഥാനത്ത് ഫിനിഷ് ചെയ്ത് വെങ്കലം നേടിയത്‌. ഇന്നലെ പുരുഷന്മാരുടെ സ്റ്റീപ്പിൾ ചേസിൽ അവിനാശ് ഇന്ത്യക്ക് സ്വർണ്ണം നേടിക്കൊടുത്തിരുന്നു.