ഏഷ്യൻ ഗെയിംസിൽ ഒരു സ്വർണ്ണം കൂടെ ഉറപ്പിച്ച് ഇന്ത്യ. പുരുഷന്മാരുടെ വ്യക്തിഗത അമ്പെയ്ത്ത് കോമ്പൗണ്ട് ഇനത്തിലെ ഇന്ത്യയുടെ രണ്ട് താരങ്ങൾ ഫൈനലിൽ എത്തി. ഇന്ത്യയുടെ അഭിഷേക് വർമ്മ 147-145 ന് ജെഹൂൺ ജൂയെ തോൽപ്പിച്ചു ഫൈനലിൽ എത്തിയപ്പോൾ. തുടർച്ചയായ രണ്ടാം തവണയും 150ൽ 150 സ്കോറുമായി ലോക ചാമ്പ്യനായ ഓജസ് പ്രവീൺ ഡിയോട്ടേൽ കൊറിയയുടെ യാങ് ജേവോണിനെ തോൽപ്പിച്ചും ഫൈനലിൽ എത്തി.
ഫൈനലിൽ ഓജസ് പ്രവീൺ അഭിഷേക് വർമയെ നേരിടും. ഇവന്റിൽ ഇതോടെ ഇന്ത്യക്ക് സ്വർണ്ണവും വെള്ളിയും ഉറപ്പായി. ഒക്ടോബർ 7നാകും ഫൈനൽ നടക്കുക.