Tag: Surya Kumar Yadav

സൂര്യകുമാർ യാദവ് ഫുൾ ഫ്ലോയിലായിരിക്കുമ്പോൾ അദ്ദേഹത്തെ തടയുക പ്രയാസമാണെന്ന് അഭിനവ് മുകുന്ദ്. ഇന്നലെ വെസ്റ്റ് ഇൻഡീസിനെതിരായ മൂന്നാം ടി20യിൽ സൂര്യകുമാർ പ്ലെയർ ഓഫ് ദ മാച്ച് ആയിരുന്നു. 44 പന്തിൽ 10 ബൗണ്ടറികളും നാല് സിക്‌സറുകളും സഹിതം 83 റൺസ് നേടി സ്കഒ തന്റെ ഫോമിലേക്ക് തിരികെയെത്തുകയും ചെയ്തു.

“സാഹചര്യം എന്താണെന്നത് സൂര്യകുമാറിന് പ്രശ്നമല്ല. അവൻ ഒരു അസാധാരണ കളിക്കാരനാണ്, അവൻ ഫോമിൽ എത്തുമ്പോൾ, അവനെ തടയാൻ ആകില്ല. പുസ്തകത്തിലെ എആ റേഞ്ചും ഓരോ ഷോട്ടും അദ്ദേഹത്തിനുണ്ട്,”അഭിനവ് മുകുന്ദ് ജിയോ സിനിമയിൽ പറഞ്ഞു.

“ഞാൻ എതിർ ക്യാപ്റ്റൻ ആണെങ്കിൽ ഞാൻ അവനു എവിടെ ബൗൾ ചെയ്യും എന്ന് അറിയില്ല. അയാൾ ഫോമിൽ എത്തിയാൽ, അവനു എതിരെ ബൗൾ ചെയ്യാൻ വളരെ ബുദ്ധിമുട്ടാണ്. അതാണ് സത്യം, വെസ്റ്റ് ഇൻഡീസ് ഇന്ന് അത് അറിഞ്ഞു.”അദ്ദേഹം കൂട്ടിച്ചേർത്തു

സൂര്യകുമാർ യാദവ് വീണ്ടും ഫോമിലേക്ക് എത്തും എന്ന് യുവരാജ് സിംഗ്. തന്റെ എല്ലാ പിന്തുണയും സൂര്യകുമാറിന് ഉണ്ട് എന്നും യുവി പറഞ്ഞു. ഇന്ന് ട്വിറ്ററിലൂടെയാണ് യുവി സ്കൈക്ക് പിന്തുണ പ്രഖ്യാപിച്ചത്‌ ഓരോ കായികതാരവും അവരുടെ കരിയറിൽ ഉയർച്ച താഴ്ചകളിലൂടെയാണ് പോകുന്നത്! നാമെല്ലാവരും ഒരു ഘട്ടത്തിൽ അത് അനുഭവിച്ചിട്ടുണ്ട്. യുവരാജ് പറഞ്ഞു.

സൂര്യകുനാർ ഇന്ത്യയുടെ ഒരു പ്രധാന കളിക്കാരനാണെന്നും അവസരങ്ങൾ ലഭിച്ചാൽ ലോകകപ്പിൽ ഒരു പ്രധാന പങ്ക് താരം വഹിക്കുമെന്നും ഞാൻ വിശ്വസിക്കുന്നു. നമ്മുടെ താരങ്ങളെ നമ്മൾ പിന്തുണക്കണം. Surya will Rise again. യുവരാജ് കുറിച്ചു.

See more

Every sports person goes thru ups & downs in their career! We’ve all experienced it at sum point. I believe @surya_14kumar is a key player for India 🇮🇳 & will play an imp role in the #WorldCup if given the opportunities. Let’s back our players coz our Surya 🌞 will rise again 💯

— Yuvraj Singh (@YUVSTRONG12) March 24, 2023

2022-ൽ സൂര്യകുമാർ T20I ക്രിക്കറ്റർ ഓഫ് ദി ഇയർ ആയി മാറിയിരുന്നു‌. എന്നാൽ ഏകദിനത്തിലേക്ക് ത‌ന്റെ ഫോം കൊണ്ടുവരാൻ ഇതുവരെ സ്കൈക്ക് ആയിട്ടില്ല.

സൂര്യകുമാറിനെയും അദ്ദേഹത്തെ വീണ്ടും വീണ്ടും തിരഞ്ഞെടുക്കുന്ന ഇന്ത്യൻ മാനേജ്മെന്റിനെയും രൂക്ഷമായി വിമർശിച്ച് മുൻ ഇന്ത്യൻ താരം ലക്ഷ്മണൻ ശിവരാമകൃഷ്ണൻ. ട്വിറ്ററിലൂടെയാണ് മോശം ഫോമിലായിട്ടും ടീമിൽ തുടരുന്ന സൂര്യകുമാറിനെ വിമർശിച്ചത്. ചില കളിക്കാർക്ക് മാത്രമാണ് ഇന്ത്യൻ ടീമിൽ സംരക്ഷണം ലഭിക്കുന്നത്. അതിന്റെ ഉദാഹരണമാണ് സൂര്യകുമാർ. അദ്ദേഹം കുറിച്ചു.

‌

T20 ക്രിക്കറ്റ് 50 ഓവർ ക്രിക്കറ്റിൽ നിന്ന് വ്യത്യസ്തമാണ്. റെഡ് ബോൾ, വൈറ്റ്-ബോൾ ക്രിക്കറ്റ് എന്നിങ്ങനെ വേർതിരിക്കരുത്. സ്കൈ ടെസ്റ്റ് ടീമിന്റെയും ഭാഗമായിരുന്നു. എല്ലാ ഫോർമാറ്റുകളിലും ടി20യിലെ പ്രകടനത്തെ അടിസ്ഥാനമാക്കി ഒരു കളിക്കാരനെ എങ്ങനെയാണ് തിരഞ്ഞെടുക്കുക എന്ന് തനിക്ക് അറിയില്ല എന്നും ശിവരാമകൃഷ്ണൻ പറഞ്ഞു.

https://twitter.com/LaxmanSivarama1/status/1638679717711872001?t=GjPtTlZaMds5qTmfXfrrmg&s=19

സൂര്യകുമാറിന് ഈ കഴിഞ്ഞ ഏകദിന പരമ്പര മറക്കാം എന്നും അദ്ദേഹം ഇനി ഐ പി എല്ലിൽ ശ്രദ്ധ കൊടുക്കണം എന്നും സുനിൽ ഗവാസ്കർ. ഇത് ഏറ്റവും മികച്ച കളിക്കാർക്ക് വരെ സംഭവിക്കാമെന്നും മികച്ച കളിക്കാർക്കും ഇത് സംഭവിച്ചിട്ടുണ്ടെന്നും അദ്ദേഹം മനസ്സിലാക്കണം എന്നും സൂര്യകുമാറിനെ കുറിച്ച് ഗവാസ്കർ പറഞ്ഞു.

അദ്ദേഹം ഇപ്പോൾ ചെയ്യേണ്ടത് ഐ പി എല്ലിൽ ശ്രദ്ധ കേന്ദ്രീകരിക്കുക എന്നതാണ്- ഈ 3 മത്സരങ്ങൾ മറന്ന് ഐപിഎല്ലിൽ ശ്രദ്ധ കേന്ദ്രീകരിക്കുക. , അവിടെ റൺസ് നേടുക, ഐപിഎല്ലിൽ റൺസ് നേടിയാൽ, അടുത്ത ഏകദിന മത്സരത്തിനായി അവന് ആത്മവിശ്വാസത്തോടെ തിരിച്ചെത്താൻ ആകും. അദ്ദേഹം കൂട്ടിച്ചേർത്തു.

അവൻ ആദ്യ പന്തിൽ 3 തവണ പുറത്തായി എന്ന സത്യമാണ്. എന്താണ് പിഴച്ചതെന്ന് പറയാൻ വളരെ ബുദ്ധിമുട്ടാണ്. അതെ, ആദ്യ 2 മത്സരങ്ങളിൽ മിച്ചൽ സ്റ്റാർക്ക് ബൗൾ ചെയ്തത് രണ്ട് നല്ല ഡെലിവറികൾ ആയിരുന്നു. ഗവാസ്കർ പറഞ്ഞു.

ഇന്ത്യൻ താരം സൂര്യകുമാർ യാദവ് ഐസിസി ടി 20 ഐ റാങ്കിംഗിൽ തന്റെ ആധിപത്യം തുടരുകയണ്. ഏറ്റവും പുതിയ ഐസിസി ടി20 ബാറ്റിങ് റാങ്കിംഗിലും സ്കൈ തന്നെയാണ് ഒന്നാമൻ. ഒപ്പം സൂര്യകുമാർ തന്റെ കരിയറിലെ ഏറ്റവും മികച്ച റേറ്റിംഗിലേക്കും ഉയർന്നു. ടി20 റാങ്കിംഗ് ചരിത്രത്തിലെ ഏറ്റവും മികച്ച രണ്ടാം റേറ്റിംഗ് പോയിന്റിലാണ് സ്കൈ ഇപ്പോൾ ഉള്ളത്‌.

T20I ഫോർമാറ്റ് റാങ്കിംഗിൽ ഒരു ഇന്ത്യൻ ബാറ്ററുടെ എക്കാലത്തെയും ഉയർന്ന റേറ്റിംഗു കൂടിയാണ് ഇത്. എക്കാലത്തെയും ഉയർന്ന റേറ്റിംഗ് ഡേവിഡ് മലന്റെ പേരിലാണ്. അദ്ദേഹത്തിന് 915 പോയിന്റ് ആയിരുന്നു ഉണ്ടായിരുന്നത്. സൂര്യകുമാർ 910 പോയിന്റ് വരെ എത്തി. ന്യൂസിലൻഡിന് എതിരായ അവസാന ടി20യിൽ തിളങ്ങിയാൽ റെക്കോർഡ് നേട്ടം സ്കൈക്ക് സ്വന്തമാക്കാം. ന്യൂസിലൻഡിനെതിരായ ടി20 ഐ പരമ്പരയിലെ ആദ്യ മത്സരത്തിൽ നേടിയ 47 റൺസിന്റെ പിൻബലത്തിൽ ആയിരുന്നു 32-കാരൻ 910 റേറ്റിംഗിലെത്തിയത്.

ഇന്ത്യൻ ബാറ്റർ സൂര്യകുമാർ യാദവിന്റെ ഇപ്പോഴത്തെ പ്രകടനങ്ങൾ ഇതിഹാസ താരം വിവിയൻ റിച്ചാർഡ്സിനെ ഓർമ്മിപ്പിക്കുന്നു എന്ന് മുൻ ഓസ്‌ട്രേലിയൻ ക്രിക്കറ്റ് താരം ടോം മൂഡി. ലോക ഒന്നാം നമ്പർ ടി20 ബാറ്റർ സൂര്യകുമാർ യാദവ് ടി20യിൽ നടത്തുന്ന അത്ഭുത പ്രകടനങ്ങൾ താരത്തെ ടി20 റാങ്കിംഗിൽ ഒന്നാം സ്ഥാനത്ത് എത്തിച്ചിരുന്നു. 2021ൽ മാത്രമായിരുന്നു സൂര്യകുമാർ യാദവ് ടി20യിൽ അരങ്ങേറ്റം നടത്തിയത്.

സൂര്യകുമാർ യാദവ് കളിക്കുന്ന രീതി തന്നെ ആശ്വാസം നൽകുന്നതാണ്. അദ്ദേഹത്തിന്റെ പ്രകടനങ്ങൾ കണ്ടപ്പോൾ വിവിയൻ റിച്ചാർഡ്‌സിനെ പോലെയുള്ള ഇതിഹാസ ഓർമ്മ വരുന്നു. മൂഡി പറഞ്ഞു. റിച്ചാർഡ്സിനെ പോലെ ഒറ്റയ്ക്ക് കളിയുടെ വിധി തീരുമാനിക്കുന്ന കളി നിയന്ത്രിക്കാൻ ആകുന്ന കളിക്കാരൻ ആണ് സൂര്യകുമാർ. മൂഡി പറഞ്ഞു.