Tag: Serie A

സീരി എയിൽ ഏ സി മിലാന് തകർപ്പൻ ജയം. ഏകപക്ഷീയമായ നാല് ഗോളുകൾക്കാണ് മിലാൻ സ്‌പാലിനെ പരാജയപ്പെടുത്തിയത്. മിലാനുവേണ്ടി പാട്രിക് കുട്രോൺ ഇരട്ട ഗോളുകളും ലൂക്കാസ് ബിഗ്ലിയ, ഫാബിയോ ബോറിനി എന്നിവർ ഓരോ ഗോൾ വീതവും അടിച്ചു. ഈ വിജയത്തോടു കൂടി 38 പോയിന്റുമായി എസി മിലാൻ സീരി എയിൽ ഏഴാം സ്ഥാനത്ത് തുടരുന്നു. പുതു വർഷം മുതൽ തകർപ്പൻ ഫോമിലുള്ള ഗട്ടൂസോയും മിലാനും മറ്റൊരു വിജയം കൂടിയാണ് സ്വന്തമാക്കിയത്.

ആതിഥേയരായ സ്പാൽ മിലാനെ തകർത്ത് ഈ സീസണിലെ നാലാം വിജയത്തിനായി ശ്രമിക്കുകയായിരുന്നു. റെലെഗേഷൻ ഭീഷണി നേരിടുന്ന ലിയനാർഡോ സിമ്പ്ലിസിയുടെ സ്പാലിന് ഗട്ടൂസോയുടെ ടീമിനെ അട്ടിമറിക്കുക അനിവാര്യമായിരുന്നു. എന്നാൽ 90 സെക്കന്റിൽ ഗോളടിച്ച് പാട്രിക് കുട്രോൺ മത്സരം മിലൻറെ വരുതിയിലാക്കി. ഡിസംബർ തൊട്ട് ഒരു വിജയവുമില്ലാതെയാണ് സ്പാൽ സീരി എയിലുള്ളത്.സ്പാലിന്റെ പ്രതിരോധത്തിലെ പിഴവ് മുതലെടുത്ത് ബിഗ്ലിയ ഗോളടിച്ചപ്പോൾ തകർപ്പൻ ഇടങ്കാൽ സ്ട്രൈക്ക് കൊണ്ട് ഫാബിയോ ബോറിനി മിലൻറെ വിജയം ഉറപ്പിച്ചു.

കൂടുതൽ കായിക വാർത്തകൾക്ക് : www.facebook.com/FanportOfficial

സീരി ഏ യിൽ ഇന്റർ മിലാനെ ക്രോടോണെ സമനിലയിൽ തളച്ചു. റെലെഗേഷൻ ഭീഷണി നേരിടുന്ന ക്രോടോണെ ഇന്ററിനെ പിടിച്ച് കെട്ടിയത് സീരി ഏ ആരാധകരെ ഞെട്ടിച്ചു. ഒരു ജയമില്ലാത്ത ഇന്റർ മിലാനിന്റെ എട്ടാമത്തെ മത്സരം ആയിരുന്നു ഇന്നത്തേത്. കഴിഞ്ഞ സീസണിൽ രണ്ടു പോയന്റ് വ്യത്യാസത്തിലാണ് സീരി ബിയിലേക്കുള്ള തരാം താഴ്ത്തൽ ക്രോടോണെ ഒഴിവാക്കിയത്. ഇന്ററിനു വേണ്ടി സ്ട്രൈക്കെർ ഏഡർ ഗോളടിച്ചപ്പോൾ ക്രോടോണെക്ക് വേണ്ടി മധ്യനിര താരം ആൻഡ്രിയ ബാർബെറീസ് ഗോളടിച്ചു.

ഇന്ററിന്റെ തുടർച്ചയായ അഞ്ചാമത്തെ സമനിലയാണിത്. നിലവിൽ നാലാം സ്ഥാനത്തുള്ള ഇന്ററിനു മൂന്നാം സ്ഥാനത്തുള്ള ലാസിയോയെ മറികടക്കാനുള്ള അവസരമാണ് സമനിലയോടെ നഷ്ടമായത്. ഇത് നാലാം തവണയാണ് 1 -1 സമനില എന്ന മത്സരഫലം ഇന്ററിനുണ്ടാവുന്നത്. 57 പോയിന്റുമായി ഒന്നാമത് നിൽക്കുന്നത് നാപോളിയും 56 പോയിന്റുമായി ചാമ്പ്യന്മാർ യുവന്റസ് രണ്ടാമതുമാണ്.

കൂടുതൽ കായിക വാർത്തകൾക്ക് : www.facebook.com/FanportOfficial