Tag: Santosh Trophy

സന്തോഷ് ട്രോഫി ഗ്രൂപ്പ് ഘട്ടത്തിൽ കേരളത്തിന് മൂന്നാം വിജയം. ഇന്ന് ആന്ധ്രാപ്രദേശിനെ നേരിട്ട കേരളം എതിരില്ലാത്ത അഞ്ചു ഗോളുകൾക്കാണ് വിജയിച്ചത്.

ഇന്ന് മത്സരം ആരംഭിച്ച് പതിനാറാം മിനുട്ടിൽ ആയിരുന്നു കേരളത്തിന്റെ ആദ്യ ഗോൾ. കഴിഞ്ഞ മത്സരത്തിൽ ഇരട്ട ഗോളുകൾ നേടിയ നിജോ ഗിൽബേർട്ട് ആണ് ഇന്ന് കേരളത്തിന്റെ ഗോൾ വേട്ട ആരംഭിച്ചത്. പതിനെട്ടാം മിനുട്ടിൽ ഒരു കോർണറിൽ നിന്ന് കേരളം ലീഡ് ഇരട്ടിയാക്കി. മുഹമ്മദ് സലീമിന്റെ ഇടം കാലൻ ഷോട്ട് ആണ് കേരളത്തിന്റെ രണ്ടാം ഗോളായത്.

ആദ്യ പകുതിയുടെ ഇഞ്ച്വറി ടൈമിൽ മൂന്നാം ഗോൾ വന്നു. നിജോ ഗിൽബേർട്ടിന്റെ ത്രൂ പാസ് സ്വീകരിച്ച് അബ്ദു റഹീം ആണ് കേരളത്തിന്റെ മൂന്നാം ഗോൾ നേടിയത്. രണ്ടാം പകുതിയുടെ തുടക്കത്തിൽ നിജോയുടെ ഒരു കോർണറിൽ നിന്ന് വിശാഖ് മോഹനാണ് നാലാം ഗോൾ നേടിയത്.

62ആം മിനുട്ടിൽ വിഗ്നേഷ് കൂടെ ഗോൾ നേടിയതോടെ വിജയം പൂർത്തിയായി. മൂന്ന് മത്സരങ്ങളിൽ നിന്ന് 9 പോയിന്റുമായി കേരളം ഒന്നാം സ്ഥാനത്ത് നിൽക്കുകയാണ്. നേരത്തെ കേരളം രാജസ്ഥാനെയും ബീഹാറിനെയും തോൽപ്പിച്ചിരുന്നു.

കോഴിക്കോട് ഇഎംഎസ് കോർപറേഷൻ സ്റ്റേഡിയത്തിൽ വെച്ച് നടക്കുന്ന എഴുപത്തിയാറാമത് സന്തോഷ് ട്രോഫി ഗ്രൂപ്പ് മത്സരത്തിൽ കേരളത്തിന് രണ്ടാം വിജയം‌. ഇന്ന് ഗ്രൂപ്പ് രണ്ടിലെ അഞ്ചാം മത്സരത്തിൽ ബിഹാറിനെ ഒന്നിനെതിരെ നാലു ഗോളുകൾക്കാണ് കേരളം പരാജയപ്പെടുത്തിയത്‌. നിജോ ഗിൽബേർട്ടിന്റെ ഇരട്ട ഗോളുകൾ കേരളത്തിന് കരുത്തായി.

ആദ്യ പകുതിയിൽ ഒരു ഫ്രീകിക്കിൽ നിന്ന് ആയിരുന്നു നിജോ ഗിൽബേർടിന്റെ ആദ്യ ഗോൾ. അനായാസം തടയാമായിരുന്ന ഫ്രീകിക്ക് തടയാൻ ബിഹാർ ഗോൾ കീപ്പർക്ക് ആയില്ല. അതിന് ശേഷം ഒരു പെനാൾട്ടിയിലൂടെ നിജോ തന്നെ ലീഡ് ഇരട്ടിയാക്കി. 81ആം മിനുട്ടിൽ ഒരു കോർണറിലൂടെ ബിഹാർ ഒരു ഗോൾ മടക്കി. എന്നാൽ താമസിയാതെ വിശാഖ് മോഹനിലൂടെ മൂന്നാം ഗോൾ നേടിക്കൊണ്ട് കേരളം വിജയം ഉറപ്പിച്ചു. കളി അവസാനിക്കും മുമൊ അബ്ദു റഹീമും കേരളത്തിനായി ഗോൾ നേടി.

ആദ്യ മത്സരത്തിൽ കേരളം രാജസ്ഥാനെ 7-0ന് തോൽപ്പിച്ചിരുന്നു. രണ്ട് മത്സരങ്ങളിൽ നിന്ന് 6 പോയിന്റുമായി കേരളാണ് ഗ്രൂപ്പിൽ ഒന്നാമത് ഉള്ളത്.

നിലവിലെ ചാമ്പ്യന്മാരായ കേരളം സന്തോഷ് ട്രോഫി കിരീടം പ്രതിരോധിക്കാനുള്ള പോരാട്ടം നാളെ മുതൽ തുടങ്ങും. നാളെ കോഴിക്കോട് നടക്കുന്ന ഗ്രൂപ്പ് ഘട്ടത്തിലെ ആദ്യ മത്സരത്തിൽ കേരളം രാജസ്ഥാനെ നേരിടും. നാളെ വൈകിട്ട് 3.30ന് ഇ എം എസ്‌ സ്റ്റേഡിയത്തിൽ വെച്ചാണ് മത്സരം. മത്സരത്തിന് കാണികൾക്കുള്ള പ്രവേശനം സൗജന്യമാണ്.

രാജസ്ഥാൻ, ബിഹാർ, ആന്ധ്രാപ്രദേശ്, ജമ്മു കാശ്മീർ എന്നിവരാണ് കേരളത്തിന് ഒപ്പം ഗ്രൂപ്പ് 2ൽ ഉള്ളത്‌. ഗ്രൂപ്പ് ഘട്ട മത്സരങ്ങൾക്ക് ആയുള്ള 22 അംഗ ടീമിനെ കേരളം കഴിഞ്ഞ ദിവസം പ്രഖ്യാപിച്ചിരുന്നു. കഴിഞ്ഞ സന്തോഷ് ട്രോഫി കിരീടം കേരളം ആയിരുന്നു ഉയർത്തിയത്. ഇതുവരെ ഏഴ് തവണ കേരളം സന്തോഷ് ട്രോഫി കിരീടം നേടിയിട്ടുണ്ട്.

ഇത്തവണ ആറ് ഗ്രൂപ്പുകൾ ആയാണ് യോഗ്യത റൗണ്ട് പോരാട്ടങ്ങൾ നടക്കുന്നത്. ഗ്രൂപ്പിൽ ഒന്നാമത് എത്തുന്നവരും ഒപ്പം മികച്ച മൂന്ന് രണ്ടാം സ്ഥാനക്കാരും ഫൈനൽ ഇവന്റിന് യോഗ്യത നേടും. സന്തോഷ് ട്രോഫി നോക്കൗട്ട് ഫിക്സ്ചറുകൾ ഇത്തവണ സൗദി അറേബ്യയിൽ വെച്ചാകും നടക്കുക എന്ന പ്രത്യേകത ഉണ്ട്. എ ഐ എഫ് എഫും സൗദി ഫുട്ബോൾ അസോസിയേഷനും തമ്മിൽ ഉണ്ടാക്കിയ കരാറിന്റെ അടിസ്ഥാനത്തിൽ ആണ് ഈ പുതിയ നീക്കം. അടുത്ത വർഷം ഫെബ്രുവരിയിൽ ആകും നോക്കൗട്ട് മത്സരങ്ങൾ നടക്കുക.