ധോണിയെ പോലെ ഒരു ഫിനിഷർക്കായാണ് ഇന്ത്യ അന്വേഷണം നടത്തുന്നത് എന്ന് ക്യാപ്റ്റൻ രോഹിത് ശർമ്മ. അടുത്ത വർഷം നാട്ടിൽ നടക്കുന്ന ഏകദിന ലോകകപ്പിന് ഒരു ഫിനിഷറെ കണ്ടെത്തേണ്ടതുണ്ടെന്ന് ഇന്ത്യൻ വൈറ്റ് ബോൾ നായകൻ രോഹിത് ശർമ്മ സമ്മതിച്ചു.
“ഏകദിനത്തിൽ ഫിനിഷറുടെ പങ്ക് വളരെ പ്രധാനമാണ്, എന്നാൽ എംഎസ് ധോണിയുടെ വിരമിക്കലിന് ശേഷം ആ റോളിലേക്ക് യോഗ്യരായ ആരെയും ഞങ്ങൾക്ക് ലഭിച്ചിട്ടില്ല,” രോഹിത് സമ്മതിച്ചു.
“ഞങ്ങൾ ഹാർദിക്കിനെ പരീക്ഷിച്ചു, ജഡേജ പോലും അവിടെ കളിച്ചിട്ടുണ്ട്, പക്ഷേ ആ സ്ലോട്ടിനായി ഞങ്ങൾ കൂടുതൽ ബാക്ക്-അപ്പുകൾ സൃഷ്ടിക്കേണ്ടതുണ്ട്. ഒരു നിർണായക ഘട്ടത്തിൽ ആണ് ഒരു ഫിനിഷർ ബാറ്റ് ചെയ്യുന്നത്, പലപ്പോഴും, അവന്റെ സംഭാവന ഒരു ഗെയിം മാറ്റിമറിച്ചേക്കാം” രോഹിത് പറഞ്ഞു.
