57 കിലോ പുരുഷ വിഭാഗം ഫ്രീസ്റ്റൈൽ ഗുസ്തിയിൽ ടെക്നിക്കൽ സുപ്പിരിയറിറ്റിയുടെ അടിസ്ഥാനത്തിൽ വിജയം കരസ്ഥമാക്കി ഇന്ത്യയുടെ രവി കുമാര്. ക്വാര്ട്ടറിൽ ബള്ഗേറിയന് താരം വാന്ഗേലോവ് ആണ് രവിയുടെ എതിരാളി.
രവി കുമാര് ഇന്ന് കൊളംബിയയുടെ എഡ്വാര്ഡോ ഓസ്കോര് അര്ബാനോ ടൈഗേറോസിനെതിരെയാണ് മത്സരത്തിനിറങ്ങിയത്. ആദ്യം 2 പോയിന്റ് ലീഡ് രവി നേടിയെങ്കിലും കൊളംബിയന് താരം ഒപ്പത്തിനെത്തുന്ന കാഴ്ചയാണ് കണ്ടത്. എന്നാൽ മൂന്ന് മിനുട്ടിന്റെ ആദ്യ പിരീഡ് കഴിഞ്ഞപ്പോള് ഇന്ത്യന് താരം ഒരു ടെക്നിക്കൽ പോയിന്റ് കൂടി നേടി മത്സരത്തിൽ ലീഡ് നേടി.
രണ്ടാം പിരീഡിലും മേല്ക്കൈ നേടിയ രവി തന്റെ സ്കോര് അഞ്ച് പോയിന്റിലേക്ക് എത്തിച്ചു. രണ്ടാം റൗണ്ടിൽ കൂടുതൽ മേധാവിത്വം കാഴ്ചവച്ച രവി 10 പോയിന്റ് നേടി മത്സരം 13-2ന് സ്വന്തമാക്കുകയായിരുന്നു.