ശീതകാല ഒളിമ്പിക്സിലെ മാര്ച്ച് പാസ്റ്റില് ഇരു കൊറിയന് രാജ്യങ്ങളും ഒരുമിച്ച് അണിനിരക്കും. കൊറിയന് യൂണിഫിക്കേഷന് ഫ്ലാഗിന്റെ കീഴിലാവും ഉദ്ഘാടന ചടങ്ങിലെ മാര്ച്ച് പാസ്റ്റില് ഇരുവരും ഒരുമിച്ചാവും പങ്കെടുക്കുക. കൂടാതെ ടൂര്ണ്ണമെന്റിലെ വനിത ഐസ് ഹോക്കിയിലും ഇരു രാജ്യങ്ങളുടെയും സംയുക്ത ടീമുകളാവും ഇറങ്ങുക. നീല ജഴ്സിയില് മുന്വശത്ത് കൊറിയ എന്നെഴുതിയിട്ടുണ്ടാവുമെന്നാണ് അധികൃതര് അറിയിച്ചിട്ടുള്ളത്.
കൂടുതൽ കായിക വാർത്തകൾക്ക് : www.facebook.com/FanportOfficial
നോർത്ത് കൊറിയ – അമേരിക്ക യുദ്ധ ഭീഷണികൾ സജീവമാകുമ്പോളും 2018 ലെ വിന്റർ ഒളിംപിക്സിൽ നോർത്ത് കൊറിയ പങ്കെടുക്കുന്നെന്ന തരത്തിലുള്ള പ്രതികരണം നോർത്ത് കൊറിയയുടെ പരമോന്നത നേതാവ് കിം ജോങ് ഉന്നിന്റെ ഭാഗത്ത് നിന്നുണ്ടായി. രാജ്യത്തിനായുള്ള ന്യൂ ഇയർ സന്ദേശത്തിലാണ് കിം ജോങ് ഉൻ ഇത്തരത്തിലുള്ള ഒരു പ്രതികരണം നടത്തിയത്.
വിന്റർ ഒളിംപിക്സ് സൗത് കൊറിയയിലെ പ്യോഞ്ചെങ്കിൽ വെച്ചാണ് നടക്കുന്നത്. സൗത്ത് നോർത്ത് കൊറിയയിലെ രാജ്യത്തലവന്മാർ തമ്മിലൊരു കൂടിക്കാഴ്ച ഒളിപിക്സിന്റെ നല്ല നടത്തിപ്പിനായി ഉണ്ടാകണമെന്നും കിം ജോങ് ഉൻ കൂട്ടിച്ചേർത്തു. ഈ വര്ഷം ഫെബ്രുവരി 7 മുതൽ 28 വരെയാണ് വിന്റർ ഒളിംപിക്സ് നടക്കുക.
കൂടുതൽ കായിക വാർത്തകൾക്ക് : www.facebook.com/FanportOfficial
