Tag: Muthoot FA

കേരള പ്രീമിയർ ലീഗിൽ ഇന്ന് എറണാകുളം മഹാരാജാസ് കോളേജിൽ നടന്ന മത്സരത്തിൽ മുത്തൂറ്റ് എഫ്എ ഡോൺ ബോസ്‌കോയെ 2-0ന് പരാജയപ്പെടുത്തി. പകരക്കാരനായി ഇറങ്ങിയ പിവി വിഷ്ണു 52, 90 മിനിറ്റുകളിൽ നേടിയ രണ്ട് ഗോളുകളാണ് മുത്തൂറ്റ് എഫ്എയെ വിജയത്തിലേക്ക് നയിച്ചത്‌. വിഷ്ണുവിന്റെ പ്രകടനം താരത്തെ കളിയിലെ മികച്ച താരത്തിനുള്ള പുരസ്‌കാരത്തിനും അർഹനാക്കി.

ഗ്രൂപ്പ് ബിയിൽ മുത്തൂറ്റ് എഫ്എയുടെ ആദ്യ വിജയമാണിത്. ഈ വിജയം, അവരെ പട്ടികയിൽ നാലാം സ്ഥാനത്തേക്ക് ഉയർത്തി. മറുവശത്ത്, ഡോൺ ബോസ്‌കോ തുടർച്ചയായ മൂന്നാം തോൽവിയാണ് ഏറ്റുവാങ്ങിയത്‌. നിലവിൽ 7 പോയിന്റുമായി കേരള പൊലീസാണ് പട്ടികയിൽ ഒന്നാം സ്ഥാനത്ത്.

മുത്തൂറ്റ് എഫ് എയും പറപ്പൂർ എഫ് സിയും AIFF ഇലീറ്റ് ലീഗിന് യോഗ്യത നേടിയ. ഈ രണ്ട് ക്ലബുകളാകും കേരളത്തെ ദേശീയ തലത്തിൽ പ്രതിനിധീകരിക്കുക. കെ എഫ് എ നടത്തിയ അണ്ടർ 17 ഇലീറ്റ് ലീഗ് വഴിയാണ് രണ്ട് ക്ലബുകളും യോഗ്യത നേടിയത്. നോക്കൗട്ട് മത്സരങ്ങൾ വിജയിച്ചാണ് രണ്ട് ക്ലബുകളും മുന്നേറിയത്.

അവസാന മത്സരത്തിൽ പറപ്പൂർ എഫ് സി പെനാൾട്ടി ഷൂട്ടൗട്ടിൽ എഫ് സി കേരളയെ മറികടന്ന് ആണ് യോഗ്യത നേടിയത്. അതിനു മുമ്പത്തെ റൗണ്ടി പറപ്പൂർ ഗോകുലം കേരളയെ ഏക ഗോളിനും തോൽപ്പിച്ചിരുന്നു.

മുത്തൂറ്റ് എഫ് എ അവസാന ഘട്ടത്തിൽ കോവളം എഫ് സിയെ എതിരില്ലാത്ത രണ്ടു ഗോളുകൾക്ക് തോൽപ്പിച്ച് ആണ് യോഗ്യത ഉറപ്പിച്ചത്‌. മുത്തൂറ്റ് അതിനു മുമ്പ് 5-1 എന്ന സ്കോറിന് ഐഫ കൊപ്പത്തെയും 3-0 എന്ന സ്കോറിന് ESSA എഫ് സൊ അരീക്കോടിനെയും തോൽപ്പിച്ചിരുന്നു.

കേരള ബ്ലാസ്റ്റേഴ്സ് പങ്കെടുക്കാത്തതിനാൽ അവരുടെ കോവളം ആയുള്ള മത്സരം വാക്ക് ഓവർ ആവുകയും കേരള ബ്ലാസ്റ്റേഴ്സ് പുറത്താവുകയും ചെയ്തു.