ഒരു മലയാളി യുവതാരം കൂടെ മോഹൻ ബഗാനിലേക്ക്. മുത്തൂറ്റ് എഫ് എയുടെ താരമായ ആദിൽ അബ്ദുള്ള ആണ് മോഹൻ ബഗാനിലേക്ക് എത്തുന്നത്. താരത്തിന്റെ സൈനിംഗ് മോഹൻ ബഗാൻ പൂർത്തിയാക്കി കഴിഞ്ഞു. 21കാരനായ ആദിൽ ഡെവലപ്മെന്റ് ലീഗിൽ മുത്തൂറ്റിനായി മികച്ച പ്രകടനം കാഴ്ചവെച്ചിരുന്നു. 2 ഗോളുകളും താരം നേടിയിരുന്നു.
മുമ്പ് കേരള ബ്ലാസ്റ്റേഴ്സ് യൂത്ത് ടീമിനൊപ്പം ഉണ്ടായിരുന്ന താരമാണ് ആദിൽ അദ്ബുള്ള. ആദിൽ അബ്ദുള്ളയെ കൂടാതെ മുത്തൂറ്റിന്റെ തന്നെ താരമായ സലാഹുദ്ദീനെയും മോഹൻ ബഗാൻ സ്വന്തമാക്കിയിട്ടുണ്ട്.