സൂപ്പർ ലീഗ് കേരളയുടെ പുതിയ സീസണിനായുള്ള ഒരുക്കങ്ങൾക്കിടെ യുവ വിങ്ങർ മുഹമ്മദ് അജ്സലിനെ ലോൺ അടിസ്ഥാനത്തിൽ സ്വന്തമാക്കി കാലിക്കറ്റ് എഫ്സി. അടുത്ത സീസൺ വരെയാണ് ഈ യുവതാരം കാലിക്കറ്റ് എഫ്സിക്ക് വേണ്ടി കളിക്കുക. കേരളത്തിലെ പ്രമുഖ ഫുട്ബോൾ ടൂർണമെന്റിൽ അജ്സലിന് കൂടുതൽ അവസരങ്ങൾ നൽകുക എന്ന ലക്ഷ്യത്തോടെയാണ് ഈ നീക്കം.
കേരള ബ്ലാസ്റ്റേഴ്സിന്റെ താരമായ അജ്സൽ, ഇതിനുമുൻപ് ഗോകുലം കേരള, ഇന്റർ കാശി തുടങ്ങിയ ക്ലബ്ബുകൾക്ക് വേണ്ടിയും കളിച്ചിട്ടുണ്ട്. പുതിയ സീസണിൽ നിലവിലെ എസ്എൽകെ ചാമ്പ്യന്മാരായ കാലിക്കറ്റ് എഫ്സിക്ക് വേണ്ടി കളിക്കുന്നതിലൂടെ അജ്സലിന് പുതിയ അവസരങ്ങൾ ലഭിക്കും. പുതിയ പരിശീലകൻ എവർ ഡിമാൾഡെക്ക് കീഴിൽ, കിരീടം നിലനിർത്താൻ തയ്യാറെടുക്കുന്ന കാലിക്കറ്റ് എഫ്സി, അജ്സലിന്റെ വേഗതയും ആക്രമണ മികവും പ്രയോജനപ്പെടുത്തുമെന്ന് പ്രതീക്ഷിക്കുന്നു.