നീന്തൽ ഇതിഹാസം മൈക്കൽ ഫെൽപ്സിന്റെ അവശേഷിക്കുന്ന ഏക ലോക റെക്കോർഡ് തകർത്തു 21 കാരനായ ഫ്രഞ്ച് താരം ലിയോൺ മർചന്ത്. ജപ്പാനിലെ ഫുക്കോകയിൽ നടക്കുന്ന നീന്തൽ ലോക ചാമ്പ്യഷിപ്പിൽ ആണ് താരം ചരിത്രം എഴുതിയത്. 400 മീറ്റർ വ്യക്തിഗത മെഡ്ലെയിൽ 4:02.5 മിനിറ്റിൽ ആണ് 400 മീറ്റർ നീന്തിക്കയറിയത്.
2008 ബെയ്ജിങ് ഒളിമ്പിക്സിൽ അമേരിക്കൻ സ്ഥാപിച്ച റെക്കോർഡ് 1.34 സെക്കന്റ് സമയം കുറവ് എടുത്ത് ആണ് ഫ്രഞ്ച് താരം മറികടന്നത്. അതേസമയം വനിതകളുടെ 400 മീറ്റർ ഫ്രീസ്റ്റൈലിൽ 3:55.38 മിനിറ്റ് കൊണ്ട് നീന്തി എത്തിയ ഓസ്ട്രേലിയൻ താരം അറിയാർണെ ടിറ്റ്മസും പുതിയ ലോകറെക്കോർഡ് കുറിച്ചു. ഇന്ന് 200 മീറ്റർ ബട്ടർഫ്ലെയിൽ 1:52.43 മിനിറ്റിൽ നീന്തി എത്തിയ ലിയോൺ ചാമ്പ്യഷിപ്പിൽ തന്റെ രണ്ടാം സ്വർണവും ഇന്ന് നേടി.
