Tag: Matheus Cunha

പ്രീമിയർ ലീഗിൽ ക്രിസ്റ്റൽ പാലസിനെ നേരിടാനായി പോകുന്നതിന് മുന്നോടിയായി നടന്ന പത്രസമ്മേളനത്തിൽ മാഞ്ചസ്റ്റർ യുണൈറ്റഡ് മാനേജർ റൂബൻ അമോറിം താരങ്ങളുടെ പരിക്കുകൾ സംബന്ധിച്ച വിവരങ്ങൾ പങ്കുവെച്ചു. ബെഞ്ചമിൻ സെസ്കോ, ഹാരി മഗ്വയർ എന്നീ പ്രധാന കളിക്കാർ പ്രതീക്ഷിച്ചതിലും കൂടുതൽ കാലം പുറത്തിരിക്കുമെന്ന് അദ്ദേഹം പറഞ്ഞു.

മാത്യൂസ് കുൻഹ ഈ വാരാന്ത്യത്തിലെ മത്സരത്തിലും ഉണ്ടാകില്ല എന്നതും അദ്ദേഹം സ്ഥിരീകരിച്ചു. വെസ്റ്റ് ഹാമിന് എതിരെ കുഞ്ഞ്യ തിരിച്ചെത്തുമെന്നും അദ്ദേഹം സ്ഥിരീകരിച്ചു.

അന്താരാഷ്ട്ര ഇടവേളയ്ക്ക് മുൻപ് ടോട്ടൻഹാമിനെതിരെ കളിക്കുമ്പോൾ സെസ്കോയ്ക്ക് പറ്റിയ കാൽമുട്ടിനേറ്റ പരിക്ക്, കൂടുതൽ സമയം ആവശ്യപ്പെടുന്നതിനാൽ താരത്തിന്റെ തിരിച്ചുവരവ് നവംബർ അവസാനത്തിന് പകരം ഡിസംബറിലേക്ക് നീളാൻ സാധ്യതയുണ്ട്. അതുപോലെ, മഗ്വയറിൻ്റെ പ്രശ്നവും കൂടുതൽ ശ്രദ്ധയും വിശ്രമവും ആവശ്യപ്പെടുന്നു.

പത്തുപേരുമായി കളിച്ച എവർട്ടണോട് 1-0ന് തോറ്റതിൻ്റെ നിരാശയിലാണ് ടീം. മുഴുവൻ ശക്തിയോടെയുള്ള ആക്രമണം ഇല്ലാത്തതിനാൽ അവസരങ്ങൾ ഗോളാക്കി മാറ്റാൻ യുണൈറ്റഡ് ബുദ്ധിമുട്ടുന്നുണ്ട്.

മാഞ്ചസ്റ്റർ യുണൈറ്റഡിന്റെ ബേൺലിക്കെതിരെ നടന്ന മത്സരത്തിൽ പേശിക്ക് പരിക്കേറ്റതിനെ തുടർന്ന് ബ്രസീലിയൻ സ്ട്രൈക്കർ മത്തേയൂസ് കുഞ്ഞ്യക്ക് ലോകകപ്പ് യോഗ്യതാ മത്സരങ്ങളിൽ നിന്ന് വിട്ടുനിൽക്കേണ്ടിവരും. ഓൾഡ് ട്രാഫോർഡിൽ നടന്ന മത്സരത്തിൽ 28-ാം മിനിറ്റിൽ കളം വിട്ട കുഞ്ഞ്യ, ഈ വേനൽക്കാലത്ത് വോൾവ്സിൽ നിന്ന് മാഞ്ചസ്റ്റർ യുണൈറ്റഡിൽ ചേർന്നത് ആരാധകരിൽ വലിയ പ്രതീക്ഷ നൽകിയിരുന്നു.

മാഞ്ചസ്റ്റർ യുണൈറ്റഡ്, ബ്രസീലിയൻ ഫുട്ബോൾ ഫെഡറേഷൻ മെഡിക്കൽ ടീമുകൾ തമ്മിൽ നടത്തിയ ചർച്ചകൾക്ക് ശേഷം കുഞ്ഞ്യയെ സ്ക്വാഡിൽ നിന്ന് പിൻവലിക്കാൻ തീരുമാനിക്കുകയായിരുന്നു. താരത്തിന്റെ പരിക്കിൽ നിന്ന് വേഗത്തിൽ മുക്തനാവുന്നതിന് മുൻഗണന നൽകുന്നതിന്റെ ഭാഗമായാണ് ഈ തീരുമാനം. മത്തേയൂസ് കുഞ്ഞ്യക്ക് പകരക്കാരനായി അത്‌ലറ്റിക്കോ മാഡ്രിഡിൽ നിന്ന് ജൂലൈയിൽ ഫ്ലെമംഗോയിലെത്തിയ വിംഗർ സാമുവൽ ലിനോയെ ബ്രസീൽ പരിശീലകൻ കാർലോ ആഞ്ചലോട്ടി ടീമിലേക്ക് വിളിച്ചു.

ജോലിന്റൺ (ന്യൂകാസിൽ), അലക്സ് സാന്ദ്രോ (ഫ്ലെമംഗോ), വാണ്ടേഴ്സൺ (മൊണാക്കോ) എന്നിവർക്ക് ശേഷം ആഞ്ചലോട്ടിയുടെ യഥാർത്ഥ ടീമിൽ നിന്ന് പരിക്ക് കാരണം പിൻവാങ്ങുന്ന നാലാമത്തെ കളിക്കാരനാണ് കുഞ്ഞ്യ.

നിലവിൽ ലോകകപ്പ് യോഗ്യതാ ഗ്രൂപ്പിൽ മൂന്നാം സ്ഥാനത്തുള്ള ബ്രസീൽ അടുത്ത വർഷത്തെ ലോകകപ്പിലേക്ക് ഇതിനകം തന്നെ യോഗ്യത ഉറപ്പാക്കിയിട്ടുണ്ട്. എങ്കിലും, നിരവധി പ്രമുഖ താരങ്ങൾ ഇല്ലാത്തത് വരാനിരിക്കുന്ന മത്സരങ്ങളിൽ ടീമിന്റെ കരുത്തിനെ പരീക്ഷിച്ചേക്കാം. സെപ്റ്റംബർ 4-ന് റിയോയിലെ മാറക്കാന സ്റ്റേഡിയത്തിൽ നടക്കുന്ന മത്സരത്തിൽ ചിലിയാണ് ബ്രസീലിന്റെ എതിരാളികൾ. സെപ്റ്റംബർ 9-ന് ബൊളീവിയയുമായാണ് അടുത്ത മത്സരം.

ഓൾഡ് ട്രാഫോർഡിൽ ഇന്നലെ പ്രീമിയർ ലീഗ് സീസണിലെ ആദ്യ മത്സരത്തിൽ മാഞ്ചസ്റ്റർ യുണൈറ്റഡ് ആഴ്സണലിനോട് തോറ്റെങ്കിലും, നിരാശയേക്കാൾ യുണൈറ്റഡ് ആരാധകർക്ക് പ്രതീക്ഷയാണ് ഈ പ്രകടനം നൽകിയത്‌. കഴിഞ്ഞ വർഷത്തെ മോശം പ്രകടനത്തിനും 15-ാം സ്ഥാനത്തിനും ശേഷം വലിയ മാറ്റങ്ങൾ സ്ക്വാഡിൽ വരുത്തിയാണ് യുണൈറ്റഡ് ഇറങ്ങിയത്‌. 1-0ന് തോറ്റെങ്കിലും കളിയിൽ പൂർണ്ണ ആധിപത്യം പുലർത്താൻ യുണൈറ്റഡിനായി.

ആഴ്സണലിന് ഒത്ത എതിരാളിയായി കളിക്കുകയും, കൂടുതൽ അവസരങ്ങൾ സൃഷ്ടിക്കുകയും ചെയ്തിട്ടും യുണൈറ്റഡിന് ഗോൾ ഒന്നും ഇന്നലെ നേടാനായില്ല. 2011-ൽ 8-2ന് വിജയിച്ചതിന് ശേഷം ആഴ്സണലിനെതിരെ യുണൈറ്റഡ് ഏറ്റവും കൂടുതൽ ഷോട്ട് തൊടുത്ത മത്സരമായി ഇത്. 22 ഷോട്ടുകളാണ് അവർ ഉതിർത്തത്.

കുഞ്ഞ്യ, ബ്രയാൻ എംബ്യൂമോ, മേസൺ മൗണ്ട് എന്നിവരുടെ ഷോട്ടുകൾ ആഴ്സണൽ ഗോൾകീപ്പർ ഡേവിഡ് റായ സമർത്ഥമായി തടഞ്ഞു. 7 സേവുകളോളം ചെയ്ത റയ തന്നെ ആയിരുന്നു കളിയിലെ താരം.

ഈ ട്രാൻസ്ഫറിൽ ടീമിലെത്തിയ കുഞ്ഞ്യയുടെയും എംബ്യൂമോയുടെയും പ്രകടനങ്ങൾ മികവുറ്റതായിരുന്നു. ഇരുവരും ഓൾഡ് ട്രാഫോർഡിലെ ശ്രദ്ധാകേന്ദ്രമായി. ഒരൊറ്റ കളി കൊണ്ട് ആരാധകരുടെ സ്നേഹം ഇരുവരും സമ്പാദിച്ചു. ഇവരുടെ ഫിസിക്കാലിറ്റിയും വേഗതയും ഇവർക്ക് കരുത്തായി. ഇരുവരും നിരന്തരമായി ആഴ്സണൽ പ്രതിരോധത്തെ ബുദ്ധിമുട്ടിച്ചു. കഴിഞ്ഞ സീസണിൽ യുണൈറ്റഡിന് നഷ്ടപ്പെട്ട ഊർജ്ജം ഇവരുടെ പ്രകടനത്തിൽ കാണാൻ കഴിഞ്ഞു.

പ്രീമിയർ ലീഗിൽ പരിചയസമ്പന്നരായ താരങ്ങളെ ടീമിലെടുത്ത അമൊറിമിന്റെ തീരുമാനം ഫലം കാണും എന്ന പ്രതീക്ഷ ഈ പ്രകടനം നൽകി.

പോസിറ്റീവ് ആയി ഒരുപാട് കാര്യങ്ങൾ ഉണ്ടായിരുന്നെങ്കിലും ആശങ്കപ്പെടാനുള്ളതും ഇന്നലെ യുണൈറ്റഡിന്റെ പ്രകടനങ്ങളിൽ ഉണ്ടായിരുന്നു. ബയിന്ദിർ വഴങ്ങിയ ഗോൾ തന്നെ ഏറ്റവും വലിയ ആശങ്ക. ഗോൾ കീപ്പിംഗ് ഡിപാർട്മെന്റിൽ യുണൈറ്റഡിന് വിശ്വസിക്കാൻ ആകുന്ന ആരും ടീമിൽ ഇല്ല എന്ന് ഈ ഗോൾ ഒരിക്കൽ കൂടി വ്യക്തമാക്കി. ഒരു പുതിയ ഗോൾ കീപ്പർ വന്നില്ല എങ്കിൽ യുണൈറ്റഡ് ഒരുപാട് പോയിന്റുകൾ ഇങ്ങനെ നഷ്ടപ്പെടുത്തിയേക്കാം.

മറ്റൊരാശങ്ക മധ്യനിരയിൽ ആയിരുന്നു. കസെമിറോ-ബ്രൂണോ പിവറ്റ് ആദ്യ പകുതിയിൽ നന്നായി കളിച്ചു. രണ്ടാം പകുതിയിൽ കസെമിറോയുടെ വേഗത പ്രശ്നമായി തോന്നി അമോറിം ഉഗാർതയെ പകരക്കാരനായി എത്തിച്ചു. എന്നാൽ ഉഗാർതെയിൽ നിന്ന് തീർത്തും നിരാശയാർന്ന പ്രകടനമാണ് കാണാൻ ആയത്. ഉഗാർതെ മാത്രം കഴിഞ്ഞ സീസണിൽ നിൽക്കുന്നത് പോലെ തോന്നിപ്പിച്ചു. ഉഗാർതെ എന്ത് കൊണ്ട് ആദ്യ ഇലവനിൽ എത്തുന്നില്ല എന്നതിന്റെ ഉത്തരം കൂടിയായി ഈ പ്രകടനം.

ട്രാൻസ്ഫർ വിൻഡോ അവസാനിക്കാൻ രണ്ടാഴ്ച കൂടെയിരിക്കെ ഒരു മിഡ്ഫീൽഡറെയും ഒരു ഗോൾ കീപ്പറെയും യുണൈറ്റഡിന് എത്തിക്കാൻ ആയാൽ യുണൈറ്റഡ് ആദ്യ 5ൽ എത്തുന്ന രീതിയിൽ മെച്ചപ്പെടാനുള്ള സാധ്യത കാണുന്നുണ്ട്. ഇനി അത്തരം സൈനിംഗുകൾ ഉണ്ടായില്ലെങ്കിൽ പോലും മാഞ്ചസ്റ്റർ യുണൈറ്റഡ് ഈ സീസണിൽ ടോപ് ഹാഫിൽ തന്നെ ഉണ്ടാകും എന്ന് ഇന്നലത്തെ പ്രകടനം സൂചന നൽകുന്നു.

Opta Stats: Manchester United 0-1 Arsenal, Premier League, August 17, 2025

Stat	Man United	Arsenal
Goals	0	1
Shots	22	7
Shots on Target	7	3
Possession (%)	55	45
Corners	5	4
Fouls	12	13
Yellow Cards	2	3

മാഞ്ചസ്റ്റർ യുണൈറ്റഡ് വോൾവർഹാംപ്ടൺ വാണ്ടറേഴ്സ് സ്ട്രൈക്കർ മാത്യസ് കുഞ്ഞ്യയെ സ്വന്തമാക്കി. മാഞ്ചസ്റ്റർ യുണൈറ്റഡ് ക്ലബ് കുഞ്ഞ്യയെ സൈൻ ചെയ്തതായി ഇന്ന് ഔദ്യോഗികമായി പ്രഖ്യാപിച്ചു.

രണ്ടു മാസം മുമ്പ് 2029 വരെ വോൾവ്സുമായി കുൻഹാ കരാർ പുതുക്കിയെങ്കിലും, ഈ സമ്മറിൽ £62.5 മില്യൺ റിലീസ് ക്ലോസ് അദ്ദേഹത്തിന്റെ കരാറിലുണ്ടായിരുന്നു. യുണൈറ്റഡ് ഈ തുക നൽകാൻ തയ്യാറായതാണ് ട്രാൻസ്ഫർ വേഗത്തിൽ നടക്കാൻ കാരണം.

25-കാരനായ ബ്രസീലിയൻ താരം ഈ സീസണിൽ മികച്ച ഫോമിലാണ് കളിച്ചത്. 15 പ്രീമിയർ ലീഗ് ഗോളുകളും 6 അസിസ്റ്റുകളും അദ്ദേഹം നേടിയിട്ടുണ്ട്. വോൾവ്സിന്റെ സ്ഥിരതയില്ലാത്ത പ്രകടനത്തിനിടയിലും കുഞ്ഞ്യയുടെ പ്രകടനം ശ്രദ്ധേയമായിരുന്നു.

പുതിയ പരിശീലകൻ റൂബൻ അമോറിമിന്റെ കീഴിൽ 3-4-2-1 ശൈലിയാണ് മാഞ്ചസ്റ്റർ യുണൈറ്റഡ് കളിക്കുന്നത്. രണ്ടാം സ്ട്രൈക്കറായും അറ്റാക്കിംഗ് മിഡ്ഫീൽഡറായും കളിക്കാൻ കഴിവുള്ള കുഞ്ഞ്യ ഈ ഫോർമേഷന് തികച്ചും അനുയോജ്യനാണ്.

മാഞ്ചസ്റ്റർ യുണൈറ്റഡ് വോൾവർഹാംപ്ടൺ വാണ്ടറേഴ്സ് സ്ട്രൈക്കർ മാത്യസ് കുഞ്ഞ്യയെ സ്വന്തമാക്കി. ട്രാൻസ്ഫർ വിദഗ്ധൻ ഫാബ്രിസിയോ റോമാനോ മാഞ്ചസ്റ്റർ യുണൈറ്റഡ് കുഞ്ഞ്യയെ സൈൻ ചെയ്തതായി പ്രഖ്യാപിച്ചു. ഔദ്യോഗിക പ്രഖ്യാപനം താമസിയാതെ വരുമെന്ന് പ്രതീക്ഷിക്കുന്നു.

രണ്ടു മാസം മുമ്പ് 2029 വരെ വോൾവ്സുമായി കുൻഹാ കരാർ പുതുക്കിയെങ്കിലും, ഈ സമ്മറിൽ £62.5 മില്യൺ റിലീസ് ക്ലോസ് അദ്ദേഹത്തിന്റെ കരാറിലുണ്ടായിരുന്നു. യുണൈറ്റഡ് ഈ തുക നൽകാൻ തയ്യാറായതാണ് ട്രാൻസ്ഫർ വേഗത്തിൽ നടക്കാൻ കാരണം.

25-കാരനായ ബ്രസീലിയൻ താരം ഈ സീസണിൽ മികച്ച ഫോമിലാണ് കളിച്ചത്. 15 പ്രീമിയർ ലീഗ് ഗോളുകളും 6 അസിസ്റ്റുകളും അദ്ദേഹം നേടിയിട്ടുണ്ട്. വോൾവ്സിന്റെ സ്ഥിരതയില്ലാത്ത പ്രകടനത്തിനിടയിലും കുഞ്ഞ്യയുടെ പ്രകടനം ശ്രദ്ധേയമായിരുന്നു.

പുതിയ പരിശീലകൻ റൂബൻ അമോറിമിന്റെ കീഴിൽ 3-4-2-1 ശൈലിയാണ് മാഞ്ചസ്റ്റർ യുണൈറ്റഡ് കളിക്കുന്നത്. രണ്ടാം സ്ട്രൈക്കറായും അറ്റാക്കിംഗ് മിഡ്ഫീൽഡറായും കളിക്കാൻ കഴിവുള്ള കുഞ്ഞ്യ ഈ ഫോർമേഷന് തികച്ചും അനുയോജ്യനാണ്.

മാഞ്ചസ്റ്റർ യുണൈറ്റഡ് വോൾവർഹാംപ്ടൺ വാണ്ടറേഴ്സ് സ്ട്രൈക്കർ മാത്യസ് കുഞ്ഞ്യക്ക് ആയി രംഗത്തെത്തിയിരിക്കുന്നു. സമ്മർ ട്രാൻസ്ഫറിനായുള്ള ചർച്ചകൾ പുരോഗമിക്കുകയാണെന്ന് റിപ്പോർട്ടുകൾ സൂചിപ്പിക്കുന്നു. സ്കൈ സ്പോർട്സിന്റെയും ട്രാൻസ്ഫർ വിദഗ്ധൻ ഫാബ്രിസിയോ റോമാനോയുടെയും റിപ്പോർട്ടുകൾ പ്രകാരം, യുണൈറ്റഡ് നിലവിൽ കുഞ്ഞ്യയുമായി വ്യക്തിപരമായ കാര്യങ്ങൾ ചർച്ച ചെയ്യുകയാണ്. ക്ലബ്ബിന്റെ പ്രധാന ആക്രമണ ലക്ഷ്യങ്ങളിലൊരാളായി കുഞ്ഞ്യ വളർന്നിട്ടുണ്ട്.

രണ്ടു മാസം മുമ്പ് 2029 വരെ വോൾവ്സുമായി കുൻഹാ കരാർ പുതുക്കിയെങ്കിലും, ഈ സമ്മറിൽ £62.5 മില്യൺ റിലീസ് ക്ലോസ് അദ്ദേഹത്തിന്റെ കരാറിലുണ്ട്. ഈ ക്ലോസ് സജീവമാവും യുണൈറ്റഡ് ഇത് ഉപയോഗിക്കാൻ തയ്യാറാണ്.

25-കാരനായ ബ്രസീലിയൻ താരം ഈ സീസണിൽ മികച്ച ഫോമിലാണ് കളിക്കുന്നത്. 14 പ്രീമിയർ ലീഗ് ഗോളുകളും 4 അസിസ്റ്റുകളും അദ്ദേഹം നേടിയിട്ടുണ്ട്. വോൾവ്സിന്റെ സ്ഥിരതയില്ലാത്ത പ്രകടനത്തിനിടയിലും കുഞ്ഞ്യയുടെ പ്രകടനം ശ്രദ്ധേയമായിരുന്നു.

പുതിയ പരിശീലകൻ റൂബൻ അമോറിമിന്റെ കീഴിൽ 3-4-2-1 ശൈലിയാണ് മാഞ്ചസ്റ്റർ യുണൈറ്റഡ് കളിക്കുന്നത്. അവർക്ക് ആക്രമണത്തിലും ഗോൾ നേടുന്നതിലും ഒരുപോലെ സംഭാവന ചെയ്യാൻ കഴിയുന്ന ഒരു വൈവിധ്യമാർന്ന മുന്നേറ്റനിര താരത്തെ ആവശ്യമുണ്ട്. രണ്ടാം സ്ട്രൈക്കറായും അറ്റാക്കിംഗ് മിഡ്ഫീൽഡറായും കളിക്കാൻ കഴിവുള്ള കുഞ്ഞ്യ ഈ റോളിന് തികച്ചും അനുയോജ്യനാണ്.
യുണൈറ്റഡിന്റെ നിലവിലെ സ്ട്രൈക്കർമാരായ റാസ്മസ് ഹോയ്‌ലുണ്ടും ജോഷ്വ സിർക്‌സിയും ഈ സീസണിൽ ആകെ 6 ലീഗ് ഗോളുകൾ മാത്രമാണ് നേടിയത്. .