Tag: Mark Boucher

ടി20 ലോക ചാമ്പ്യന്മാരായ വിന്‍ഡീസിനെതിരെ ഏതാനും താരങ്ങള്‍ ഫോമിലല്ലാഞ്ഞിട്ടും പരമ്പര സ്വന്തമാക്കിയത് ദക്ഷിണാഫ്രിക്കയ്ക്ക് ഏത് ടീമിനെയും തോല്പിക്കാനാകുമെന്നത് കാണിക്കുന്നുവെന്ന് പറ‍ഞ്ഞ് കോച്ച് മാര്‍ക്ക് ബൗച്ചര്‍. പരമ്പരയിൽ 255 റൺസ് നേടിയ ക്വിന്റൺ ഡി കോക്ക് മാത്രമാണ് റൺസ് കണ്ടെത്തിയത്. രണ്ടാം സ്ഥാനത്തുള്ള മാര്‍ക്ക് ബൗച്ചര്‍ മാത്രമാണ് മൂന്നക്ക സ്കോറിലേക്ക് കടന്ന മറ്റൊരു താരം. 113 റൺസ് നേടിയ താരം അവസാന മത്സരത്തിൽ നേടിയ 70 റൺസിന്റെ ബലത്തിലാണ് ഈ സ്കോര്‍ നേടിയത്.

ഈ സാഹചര്യത്തിലും ദക്ഷിണാഫ്രിക്ക പരമ്പര വിജയിച്ചത് വലിയ കാര്യമാണെന്നും ചില താരങ്ങള്‍ കൂടി ഫോമിലേക്ക് ഉയര്‍ന്നാൽ ഏത് ടീമിനെയും കീഴടക്കുവാന്‍ ദക്ഷിണാഫ്രിക്കയ്ക്ക് സാധിക്കുമെന്നും ബൗച്ചര്‍ വ്യക്തമാക്കി. ദുഷ്കരമായ സാഹചര്യത്തിൽ സ്മാര്‍ട്ട് ക്രിക്കറ്റാണ് ദക്ഷിണാഫ്രിക്ക കളിച്ചതെന്നും ബൗച്ചര്‍ കൂട്ടിചേര്‍ത്തു.

അന്താരാഷ്ട്ര ക്രിക്കറ്റിലേക്ക് തിരിച്ചുവരുവാന്‍ സാധ്യതയുണ്ടെന്നും ചര്‍ച്ചകള്‍ പുരോഗമിക്കുകയാണെന്നും ഐപിഎലിനിടെ പറഞ്ഞ എബി ഡി വില്ലിയേഴ്സ് എന്നാല്‍ പിന്നീട് തന്റെ വിരമിക്കല്‍ തീരുമാനത്തില്‍ ഉറച്ച് നില്‍ക്കുകയാണെന്ന് ദക്ഷിണാഫ്രിക്കന്‍ ബോര്‍ഡിനോട് അറിയിക്കുകയായിരുന്നു. താരത്തിന്റെ ഈ തീരുമാനത്തിന് കാരണം എന്താണെന്ന് ദക്ഷിണാഫ്രിക്കയുടെ മുഖ്യ കോച്ച് ഇപ്പോള്‍ വെളിപ്പെടുത്തിയിട്ടുണ്ട്.

എബിഡി തിരിച്ച് വന്ന് ടീമിന്റെ ഭാഗമായി ഇത്രയും നാള്‍ കളിച്ചിരുന്ന ഒരു വ്യക്തിയുടെ അവസരം തട്ടിയെടുക്കുന്ന സാഹചര്യം ഉണ്ടാകുമായിരുന്നുവെന്നും അത് താരത്തിന് ഉള്‍ക്കൊള്ളുവാന്‍ കഴിയാത്തതിനാലാണ് തന്റെ തിരിച്ചുവരവ് വേണ്ടെന്ന് അദ്ദേഹം കരുതിയതെന്നും എബി ഡി വില്ലിയേഴ്സ് തങ്ങളെ അറിയിച്ചുവെന്നാണ് മാര്‍ക്ക് ബൗച്ചര്‍ വ്യക്തമാക്കിയിരിക്കുന്നത്.

ദക്ഷിണാഫ്രിക്കന്‍ ക്രിക്കറ്റ് ഇതിഹാസം ജാക്ക്വസ് കാലിസിനെ ദക്ഷിണാഫ്രിക്കന്‍ കോച്ചിംഗ് ക്യാമ്പില്‍ തിരിച്ച് കൊണ്ടുവരണമെന്ന ആവശ്യവുമായി ടീം മുഖ്യ കോച്ച് മാര്‍ക്ക് ബൗച്ചര്‍. നിലവില്‍ ഇംഗ്ലണ്ടിന്റെ ബാറ്റിംഗ് കണ്‍സള്‍ട്ടന്റ് എന്ന നിലയില്‍ ശ്രീലങ്കയിലുള്ള ദക്ഷിണാഫ്രിക്കന്‍ മുന്‍ താരത്തെ ദക്ഷിണാഫ്രിക്കന്‍ ടീമിനൊപ്പം എത്തിക്കണമെന്നാണ് മാര്‍ക്ക് ബൗച്ചറിന്റെ ആവശ്യം.

തന്റെ വളരെ അടുത്ത സുഹൃത്തായ കാലിസിനെ വെറും സുഹൃത്തായത് കൊണ്ടല്ല താന്‍ കണ്‍സള്‍ട്ടന്റായി ആവശ്യപ്പെടുന്നതെന്നും അദ്ദേഹം മികച്ചൊരു ക്രിക്കറ്ററാണെന്നും ദക്ഷിണാഫ്രിക്കയ്ക്ക് അദ്ദേഹത്തിന്റെ അറിവ് ഗുണം ചെയ്യുമെന്നും ബൗച്ചര്‍ വ്യക്തമാക്കി.

2019/20 സീസണില്‍ ചെറിയൊരു കാലഘട്ടത്തില്‍ ദക്ഷിണാഫ്രിക്കയുടെ ബാറ്റിംഗ് കണ്‍സള്‍ട്ടന്റായി കാലിസ് ചുമതല വഹിച്ചരുന്നു.

ദക്ഷിണാഫ്രിക്കന്‍ ക്രിക്കറ്റ് ടീം ഡയറക്ടറായി നിയമിക്കപ്പെട്ട മാര്‍ക്ക് ബൗച്ചര്‍ 2023 വരെയാണ് ഈ പദവയില്‍ തുടരുവാന്‍ ബോര്‍ഡുമായി കരാറിലെത്തിയിരിക്കുന്നത്. നേരത്തെ ബൗച്ചറെ കോച്ചായിയുള്ള പ്രഖ്യാപനം വരുമെന്ന അഭ്യൂഹമുണ്ടായിരുന്നുവെങ്കില്‍ കഴിഞ്ഞ ദിവസമാണ് ഔദ്യോഗിക പ്രഖ്യാപനം വന്നത്. ദക്ഷിണാഫ്രിക്കയുടെ ക്രിക്കറ്റ് ഡയറക്ടര്‍ ആയി നിയമിക്കപ്പെട്ട ഗ്രെയിം സ്മിത്താണ് ഈ പ്രഖ്യാപനം നടത്തിയത്.

ഇംഗ്ലണ്ടിനെതിരെ ഡിസംബര്‍ 26ന് സെഞ്ച്യുറിയണില്‍ ആരംഭിക്കുന്ന ടെസ്റ്റ് പരമ്പരയാവും ബൗച്ചറുടെ ആദ്യ ദൗത്യം. ഡിസംബര്‍ 16ന് നാല് ടെസ്റ്റ് പരമ്പരയിലെ ആദ്യ രണ്ട് ടെസ്റ്റുകള്‍ക്കുള്ള ടീമുകളുടെ പ്രഖ്യാപനം നടത്തുമെന്നാണ് അറിയുന്നത്. കൂടാതെ ടീമിന്റെ പുതിയ ബാറ്റിംഗ് ബൗളിംഗ് കണ്‍സള്‍ട്ടന്റ്മാരെയും ഉടന്‍ പ്രഖ്യാപിക്കുമെന്നാണ് അറിയുന്നത്. ബാറ്റിംഗ് കണ്‍സള്‍ട്ടന്റായി ജാക്വിസ് കാലിസിന്റെ പേരാണ് ഉയര്‍ന്ന് കേള്‍ക്കുന്നത്.