Tag: Malappuram

2-ാമത് മലപ്പുറം ജില്ലാ യൂത്ത് ഫുട്ബോൾ ചാമ്പ്യൻഷിപ്പ് U – 17 വിഭാഗം ടൂർണമെന്റിന് വണ്ടൂർ വി എം സി ഹയർ സെക്കൻഡറി സ്കൂൾ ഗ്രൗണ്ടിൽ ഇന്ന് (26/9/23) രാവിലെ തുടക്കമായി. വണ്ടൂർ ഗ്രാമ പഞ്ചായത്ത് മെമ്പർ ശ്രീ അജ്മൽ കെ ടി ഉൽഘാടനം ചെയ്തു. ചടങ്ങിൽ കെ എഫ് എ എക്സികുട്ടീവ് മെമ്പർ പ്രഫ. പി. അഷറഫ്, എംഡി എഫ് എ ഹോണ. സെക്രട്ടറി ഡോ. പി എം സുധീർ കുമാർ , വൈസ് പ്രസിഡന്റ് സിറാജുദീൻ, കെ കെ കൃഷ്ണനാഥ് , ജോ . സെക്രട്ടറി കെ എ നാസർ, എക്സിക്യൂട്ടീവ് മെമ്പർ ഫിറോസ് , ഉമ്മർ കെ പി എന്നിവർ പങ്കെടുത്തു.

20 ഓളം ടീമുകൾ പങ്കെടുക്കുന്ന ചാമ്പ്യൻഷിപ്പിന്റെ ഫൈനൽ 30/9/23 ന് വൈകുന്നേരം നാല് മണിക്ക് നടക്കും. ഇന്ന് നടന്ന മത്സരത്തിൽ ഏറനാട് എഫ് എഫ് സി മഞ്ചേരി ടൈബ്രേകറിൽ (4-0) സോക്കർ ക്ലബ്ബ് മലപ്പുറത്തെയും , തിലകം തിരൂർക്കാട് 4-2 ന് എസ് ഡി എസ് തൃപ്പനച്ചിയേയും പരാജയപ്പെടുത്തി.

രണ്ടാമത് മലപ്പുറം ജില്ലാ യൂത്ത് ഫുട്ബാൾ ചാമ്പ്യൻഷിപ്പിലെ U -13 വിഭാഗം മത്സരങ്ങൾ, കോട്ടക്കൽ പുതുപറമ്പ് ഇ എസ് സി മഡ് കോർട്ടിൽ, മലപ്പുറം ജില്ല ഒളിമ്പിക് അസോസിയേഷൻ പ്രസിഡന്റ് ശ്രീ. യു. തിലകൻ ഉൽഘാടനം നിർവഹിച്ചു. ചടങ്ങിൽ എംഡിഎഫ്എ പ്രസിഡന്റ് ശ്രീ. മയൂര ജലീൽ , ഹോണ. സെക്രട്ടറി ഡോ. പി.എം സുധീർ കുമാർ , ട്രഷറർ ശ്രീ. നയീം, എക്സി. കമ്മിറ്റി മെമ്പർ ശ്രീ. അബ്ബാസ് അലി, ശ്രീ. റഷീദ് ഇഎസ് സി , മുഹമ്മദ് ഷെറീഫ് എന്നിവർ പങ്കെടുത്തു.

19 ഓളം ടീമുകൾ പങ്കെടുക്കുന്ന ചാമ്പ്യൻഷിപ്പിന്റെ ഫൈനൽ ഞായറാഴ്ച 24/09/23 ന് നടക്കും. ഇന്ന് നടന്ന ആദ്യ മത്സരത്തിൽ സോക്കർ യൂത്ത് സ് മുണ്ടുപറമ്പ് സോക്കർ ക്ലബ്ബ് മലപ്പുറത്തെ 2-0 നും, എസ്ഡിഎസ് തൃപ്പനച്ചി 2-1 ന് ബ്രദേഴ്സ് ക്ലബ്ബ് തിരുരിനേയും, തിലകം തിരൂർക്കാട് 2-0 ന് കാവനൂർ എഫ് എ യും പരാജയപ്പെടുത്തി.

തൊടുപുഴയിൽ വെച്ച് നടക്കുന്ന സംസ്ഥാന സബ് ജൂനിയർ ഫുട്ബാൾ ചാമ്പ്യൻഷിപ്പിൽ പങ്കെടുക്കുന്ന മലപ്പുറം ജില്ലാ ടീമിനെ അരുൺ കൃഷ്ണ നയിക്കും. 20 അംഗ ടീമിനെ മലപ്പുറം ഡി എഫ് എ പ്രഖ്യാപിച്ചു. ശ്രീ സുബ്രഹ്മണ്യൻ ആണ് ടീമിന്റെ പരിശീലകൻ‌. മാനേജറായി ജംഷീദും ടീമിനൊപ്പം ഉണ്ട്.

നാളെ (18 ഓഗസ്റ്റ്) കൊല്ലത്തിനെതിരെ ആണ് മലപ്പുറത്തിന്റെ ആദ്യ മത്സരം. കോട്ടയം, മലപ്പുറം എന്നിവരെയും ഗ്രൂപ്പ് ഘട്ടത്തിൽ മലപ്പുറം നേരിടും.

ടീം: അരുൺ കൃഷ്ണ, മുഹമ്മദ് ഹയാൻ ടി പി, മുഹമ്മദ് നിഷാൻ ടി, ലിനീഷ് പി വി, സയീദ് അജ്മൽ, ഫെസിൻ മുഹമ്മദ് വിപി, ഷൽ വാൻ കെ പി, അഭിജിത്ത് പി എസ്, നബ് ഹാൻ ടി, മുഹമ്മദ് സെയ്ഫാൻ ടി, മുഹമ്മദ് സിനാൻ പി, സൻജയ് ഇ, മുഫീദ് മുസ്തഫ എം, പ്രജിലേഷ് ഒ, മുഹമ്മദ് റാദിൻ ടി പി, മുഹമ്മദ് നിഹാൽ ടി, മുഹമ്മദ് ഫർഹാൻ പി കെ, മുഹമ്മദ് ഷംനാൻ പി, മുഹമ്മദ് റയാൻ എ, എംഡി സാഹിർ ഖാൻ

കോച്ച് : ശീ. സുബ്രമണ്യൻ, മേനേജർ: ജംഷിദ്.

ഡയറക്ടറേറ്റ് ഓഫ് സ്‌പോര്‍ട്‌സ് ആന്‍ഡ് യൂത്ത് അഫേഴ്‌സിന്റെ ആഭിമുഖ്യത്തില്‍ സംഘടിപ്പിക്കുന്ന ഗോൾ ഫുട്‌ബോള്‍ പരിശീലന പദ്ധതിയുടെ പരിശീലകര്‍ക്കുള്ള പരിശീലന പരിപാടിയുടെ രണ്ടാം ഘട്ടം മലപ്പുറത്ത് നടന്നു. മലപ്പുറത്ത് വെച്ച് നടന്ന പ്രാക്ടിക്കല്‍ സെഷന്റെ ഉദ്ഘാടനം സംസ്ഥാന സ്‌പോര്‍ട്‌സ് കൗണ്‍സില്‍ പ്രസിഡന്റ് യു. ഷറഫലി നിര്‍വഹിച്ചു. കാസര്‍കോഡ് മുതല്‍ തൃശൂര്‍ വരെയുള്ള ഏഴ് ജില്ലകളില്‍ നിന്നായി 65 ഓളം പരിശീലകരാണ് രണ്ടാം ഘട്ട പരിശീലനത്തില്‍ പങ്കെടുത്തത്.

എറണാകുളം മുതല്‍ തിരുവനന്തപുരം വരെയുള്ള ഏഴ് ജില്ലകളുടെ രണ്ടാം ഘട്ട പരിശീലനം ഇതിനകം പൂര്‍ത്തിയായിട്ടുണ്ട്. ഓഗസ്റ്റ് അവസാന വാരത്തോടെ കുട്ടികളുടെ തെരഞ്ഞെടുപ്പിലേക്ക് കടക്കും. സെപ്റ്റംബര്‍ മാസത്തോടെ പരിശീലനങ്ങള്‍ക്ക് തുടക്കം കുറിക്കാന്‍ സാധിക്കുമെന്നാണ് പ്രതീക്ഷിക്കുന്നത്.

സ്‌പോര്‍ട്‌സ് കേരള ഫൗണ്ടേഷനും കേരള സ്റ്റേറ്റ് സ്‌പോര്‍ട്‌സ് കൗണ്‍സിലും സംയുക്തമായിയാണ് പരിപാടി സംഘടിപ്പിക്കുന്നത്. ചെറുപ്രായത്തില്‍ ഫുട്ബോളില്‍ ശാസ്ത്രീയ പരിശീലനം നല്‍കുക എന്നതാണ് ഗോള്‍ പദ്ധതിയുടെ ലക്ഷ്യം. 5 വര്‍ഷം 5 ലക്ഷം കുട്ടികള്‍ക്ക് ഫുട്ബോള്‍ പരിശീലനം നല്‍കുന്ന പദ്ധതി കഴിഞ്ഞ വര്‍ഷമാണ് ആരംഭിച്ചത്. ആദ്യഘട്ടം 1000 കേന്ദ്രങ്ങളിലായി 1 ലക്ഷം പേര്‍ക്ക് പരിശീലനം നല്‍കി. രണ്ടാം ഘട്ടത്തില്‍, വിദഗ്ധ പരിശീലനത്തിന് 140 നിയോജകമണ്ഡലങ്ങളില്‍ ഓരോ കേന്ദ്രം വീതം ആരംഭിച്ചു. 10 നും 12 നും ഇടയില്‍ പ്രായമുള്ള തെരഞ്ഞെടുത്ത 30 കുട്ടികള്‍ക്ക് വീതം ഓരോ കേന്ദ്രത്തിലും പരിശീലനം നല്‍കും. പരിശീലന ഉപകരണങ്ങള്‍, 2 വീതം പരിശീലകര്‍, സ്‌പോര്‍ട്‌സ് കിറ്റ് എന്നിവ ലഭ്യമാക്കും.

പഠനസമയത്തെ ബാധിക്കാത്ത രീതിയില്‍ ആഴ്ചയില്‍ ഒന്നര മണിക്കൂര്‍ വീതമുളള 2 സെഷനായാണ് പരിശീലനം. ഓരോ മേഖലയിലും ലഭ്യമായ ഏറ്റവും മികച്ച പരിശീലകനെയാണ് ഗോള്‍ പദ്ധതിക്കായി നിയമിക്കുന്നത്. കൂടാതെ ഓരോ കേന്ദ്രത്തിലും മുന്‍കാല സന്തോഷ് ട്രോഫി താരങ്ങളുടെ മേല്‍നോട്ടവും പരിശീലന പിന്തുണയും ഉറപ്പാക്കും. തീവ്ര പരിശീലന പദ്ധതിയില്‍ കഴിവ് തെളിയിക്കുന്ന കുട്ടികള്‍ക്ക് ഉന്നത പരിശീലനവും കൂടുതല്‍ മികച്ച മത്സരങ്ങളില്‍ പങ്കെടുക്കാനുള്ള അവസരവും നല്‍കും.

ആഗസ്റ്റ് ആദ്യവാരത്തിൽ ആരംഭിക്കുന്ന സംസ്ഥാന ജൂനിയർ ഫുട്ബാൾ ചാമ്പ്യൻഷിപ്പിൽ ( ആൺകുട്ടികൾ) പങ്കെടുക്കുന്ന മലപ്പുറം ജില്ലാ ഫുട്ബാൾ ടീമിന്റെ തിരഞ്ഞെടുപ്പ് തിരൂർ മുൻസിപ്പൽ സ്റ്റേഡിയം, ജിബി എച്ച്എസ്എസ് ഗ്രൗണ്ട് മഞ്ചേരി , വിഎംസി എച്ച്എസ്എസ് ഗ്രൗണ്ട് വണ്ടൂർ,
എംഇഎഎസ്എസ് കോളേജ് ഗ്രൗണ്ട് അരീക്കോട് എന്നിവടങ്ങളിൽ 29/07/23 (ശനി) ന് രാവിലെ 7.30 ന് നടത്തുന്നതാണ്.

01/01/2008 നും 31/12/2009 നും ഇടയിൽ ജനിച്ച മലപ്പുറം ജില്ല ഫുട്ബാൾ അസോസിയേഷന്റെ കീഴിലുള്ള ക്ലബ്ബുകളിൽ രെജിസ്റ്റർ ചെയ്ത കളിക്കാർ അവനവന് അടുത്തുള്ള ഏതെങ്കിലും സെന്ററിൽ തിരഞ്ഞെടുപ്പിൽ പങ്കെടുക്കാവുന്നതാണ്.

AIFF ന്റെ ആഭിമുഖ്യത്തിൽ 6 ദിവസമായി മലപ്പുറം കോട്ടപ്പടി സ്റ്റേഡിയത്തിൽ നടന്നു വരുന്ന AlFF ഡി സർട്ടിഫിക്കറ്റ് കോഴ്സ് സമാപിച്ചു. മലപ്പുറം മുൻസിപ്പൽ ഹാളിൽ നടന്ന സമാപന യോഗത്തിൽ മലപ്പുറം മുൻസിപ്പൽ ചെയർമാൻ ശ്രീ മുജീബ് കാടേരി മുഖ്യ അഥിതിയായി പങ്കെടുത്തവർക്ക് സർട്ടിഫിക്കറ്റുകൾ വിതരണം ചെയ്തു. വയനാട്ടിൽ നിന്നുള്ള ശ്രീ. ഷഫീക്ക് ഹസ്സൻ മഠത്തിലിന്റെ നേതൃത്വത്തിൽ നടന്ന കോഴ്സിൽ വത്യസ്ത ജില്ലയിൽ നിന്നുള്ള 24 പേരാണ് പങ്കെടുത്തു. ചടങ്ങിൽ MDFA പ്രസിഡന്റ് പ്രഫ. പി. അഷറഫ്, മുഹമ്മദ് സലീം, സെക്രടറി ഡോ. പി. എം. സുധീർ കുമാർ, ട്രഷറർ നയീം, ജോ. സെക്രടറി ശ്രീ. സുരേഷ് എന്നിവർ പ്രസംഗിച്ചു.

മലപ്പുറം ജില്ലാ എ ഡിവിഷൻ ഫുട്ബാൾ ചാമ്പ്യൻഷിപ്പിന് തുടക്കമായി. മലപ്പുറം ജില്ലയിലെ എഴ് പ്രമുഖ ടീമുകൾ പങ്കെടുക്കുന്ന എ ഡിവിഷൻ ഫുട്ബാൾ ചാമ്പ്യൻഷിപ്പ് എടവണ്ണ സീതി ഹാജി സ്‌റ്റേഡിയത്തിൽ ഇന്ന് ആരംഭിച്ചു. ചാമ്പ്യൻഷിപ്പ് മലപ്പുറം ജില്ലാ ഫുട്ബാൾ അസോസിയേക്ഷൻ പ്രസിഡന്റ് പ്രഫ. പി. അഷറഫ് നിർവഹിച്ചു. ചടങ്ങിൽ ഹോണ. സെക്രട്ടറി ഡോ. പി. എം. സുധീർ കുമാർ, കെ. എ. നാസർ, സുരേന്ദ്രൻ , രായിൻ മാസ്റ്റർ, മുനീർ, അൻവർ , അബ്ദു സമദ് എന്നിവർ പങ്കെടുത്തു.

ആദ്യ മത്സരത്തിൽ SAT തിരൂർ 4-1 ന് Al-mouj ഒതുക്കങ്ങലിനെ പരാജയപ്പെടുത്തി. നാളെ രാവിലെ 7.30 ന് Asc അരിക്കോട് യുവധാര അകമ്പാടവുമായി ഏറ്റ് മുട്ടും.

തൃക്കരിപ്പൂരിൽ നടക്കുന്ന സംസ്ഥാന ജൂനിയർ ഫുട്ബോൾ ചാമ്പ്യൻഷിപ്പ് കിരീടം മലപ്പുറത്തിന്. ഇന്ന് നടന്ന ഫൈനലിൽ അവസാന വർഷ ചാമ്പ്യന്മാരായ കോഴിക്കോടിനെ തോൽപ്പിച്ചാണ് മലപ്പുറം കിരീടം ഉയർത്തിയത്. ടൈ ബ്രേക്കറിലായിരുന്നു മലപ്പുറത്തിന്റെ വിജയം‌. നിശ്ചിത സമയത്ത് 1-1 എന്ന നിലയിലായിരുന്നു മത്സരം. ടൈ ബ്രേക്കറിൽ 8-7 എന്ന സ്കോറിനായിരുന്നു മലപ്പുറത്തിന്റെ വിജയം.

ഇന്നലെ നടന്ന ആദ്യ സെമി ഫൈനലിൽ എറണാകുളത്തെ തോൽപ്പിച്ചാണ് മലപ്പുറം ഫൈനലിൽ എത്തിയത്. എതിരില്ലാത്ത ഒരു ഗോളിനായിരുന്നു മലപ്പുറത്തിന്റെ സെമിയിലെ വിജയം. ഗ്രൂപ്പ് സി ചാമ്പ്യന്മാർ ആയാണ് മലപ്പുറം സെമിയിലേക്ക് എത്തിയിരുന്നത്.

തൃക്കരിപ്പൂരിൽ നടക്കുന്ന സംസ്ഥാന ജൂനിയർ ഫുട്ബോളിലെ ഗ്രൂപ്പ് തല മത്സരങ്ങൾ കഴിഞ്ഞപ്പോൾ കോഴിക്കോടും മലപ്പുറവും സെമി ഫൈനലിൽ. ഇന്ന് നടന്ന ഗ്രൂപ്പിലെ രണ്ടാം മത്സരത്തിലും ജയം സ്വന്തമാക്കിയതോടെയാണ് മലപ്പുറവും കോഴിക്കോടും സെമിയിൽ എത്തിയത്.

ഗ്രൂപ്പ് സിയിൽ കോട്ടയത്തെ നേരിട്ട മലപ്പുറം എതിരില്ലാത്ത ഒരു ഗോളിനാണ് ഇന്ന് വിജയിച്ചത്. 14ആം മിനുട്ടിൽ അക്മൽ ഷാനാണ് മലപ്പുറത്തിനായി സ്കോർ ചെയ്തത്. ഗ്രൂപ്പ് ഡിയിൽ പാലക്കാടിനെ നേരിട്ട കോഴിക്കോട് ഒന്നിനെതിരെ രണ്ടു ഗോളുകൾക്കും വിജയിച്ചു. കോഴിക്കോടിനായി അനുരാഗ് ഇരട്ട ഗോളുകൾ നേടി‌. അഭയ് ആണ് പാലക്കാടിന്റെ ഗോൾ നേടിയത്.

നാളെ നടക്കുന്ന സെമിയിൽ മലപ്പുറം കോഴിക്കോടിനെയും എറണാകുളം വയനാടിനെയും നേരിടും.