Tag: State Junior Football

49ആമത് സംസ്ഥാന ജൂനിയർ ഫുട്ബോൾ ചാമ്പ്യൻഷിപ്പ് ജൂൺ 29ന് ആരംഭിക്കും. കുന്നംകുളം ഗവൺമെൻറ് ബോയ്സ് ഹൈസ്കൂൾ ഗ്രൗണ്ടിൽ വച്ചാണ് മത്സരം നടക്കുക. 35 മിനിറ്റ് വീതം ഉള്ള രണ്ടു പകുതികളായിരിക്കും മത്സരം നടക്കുക. നാല് ഗ്രൂപ്പുകളിലായി 14 ടീമുകൾ ടൂർണ്ണമെൻറിൽ പങ്കെടുക്കും.

തൃശ്ശൂർ, തിരുവനന്തപുരം, പത്തനംതിട്ട, ആലപ്പുഴ എന്നിവരാണ് ഗ്രൂപ്പ് എയിൽ ഉള്ളത്. ഗ്രൂപ്പ് ബിയി കാസർകോട്, വയനാട്, പാലക്കാട്, ഇടുക്കി എന്നിവർ മത്സരിക്കും. എറണാകുളം, കണ്ണൂർ, കോട്ടയം എന്നിവർ ഗ്രൂപ്പ് സിയിലും മലപ്പുറം, കൊല്ലം, കോഴിക്കോട് എന്നിവർ ഗ്രൂപ്പ് ഡി യിലും മത്സരിക്കുന്നു. 29 ആം തീയതി നടക്കുന്ന ആദ്യ മത്സരത്തിൽ തൃശ്ശൂർ തിരുവനന്തപുരത്തെ നേരിടും.

ഓരോ ഗ്രൂപ്പിലെയും ആദ്യ സ്ഥാനക്കാർ മാത്രമാണ് സെമിയിലേക്ക് മുന്നേറുക. സെമിഫൈനൽ ജൂലൈ നാലാം തീയതിയും ഫൈനൽ ജൂലൈ ആറാം തീയതിയും നടക്കും.

സംസ്ഥാന ജൂനിയർ പെൺകുട്ടികളുടെ ഫുട്ബോൾ ചാമ്പ്യൻഷിപ്പിൽ കണ്ണൂരിന് കിരീടം. ഇന്ന് തൃക്കരിപ്പൂരിൽ നടന്ന മത്സരത്തിൽ ഒന്നിനെതിരെ അഞ്ചു ഗോളുകൾക്ക് തൃശ്ശൂരിനെ ആണ് കണ്ണൂർ പരാജയപ്പെടുത്തിയത്‌. ഒമ്പതാം മിനുട്ടിൽ അഖിലയിലൂടെ ആണ് കണ്ണൂർ ഗോൾ വേട്ട തുടങ്ങിയത്. 30ആം മിനുട്ടിൽ ഗൗരിയിലൂടെ തൃശ്ശൂർ സമനിക നേടി. ആ ഗോളിന് ശേഷം പിന്നീട് തീർത്തും കണ്ണൂരിന്റെ ആധിപത്യം ആയിരുന്നു.

30ആം മിനുട്ടിൽ അനു ലോപസിലൂടെ കണ്ണൂർ വീണ്ടും ലീഡ് എടുത്തു. 38ആം മിനുട്ടിൽ ക്യാപ്റ്റൻ ജിഷ്ണ ഷിബു കണ്ണൂരിന്റെ മൂന്നാം ഗോൾ. രണ്ടാം പകുതിയിൽ സുബി ബിയും ജിഷണയും ഗോൾ നേടിയതോടെ കണ്ണൂരിന്റെ വിജയം പൂർത്തിയായി. ഇന്ന് രാവിലെ നടന്ന ലൂസേഴ്സ് ഫൈനലിൽ തിരുവനന്തപുരത്തെ തോൽപ്പിച്ച് കാസർഗോഡ് മൂന്നാം സ്ഥാനം സ്വന്തമാക്കി.

48ആമത് സംസ്ഥാന ജൂനിയർ ഫുട്ബോളിന് ഇത്തവണ എറണാകുളം ആതിഥ്യം വഹിക്കും. ഓഗസ്റ്റ് 17 മുതൽ മഹാരാജാസ് കോളേജ് ഗ്രൗണ്ടിൽ വെച്ചാകും ജൂനിയർ ഫുട്ബോൾ ചാമ്പ്യൻഷിപ്പ് നടക്കുക. രണ്ട് ഗ്രൂപ്പുകളിലായി കേരളത്തിലെ 14 ജില്ലകളും ടൂർണമെന്റിൽ പങ്കെടുക്കും. മലപ്പുറം ആണ് ജൂനിയർ ഫുട്ബോളിൽ നിലവിലെ ചാമ്പ്യന്മാർ. ഇരുപത്തി മൂന്നാം തീയതി ആകും ഫൈനൽ നടക്കുക.

See more

48th Junior Boys Inter-District State Football Championship 2023-24 🏆

Groups & Fixtures ➡️
🗓️ August 17-23
🏟️ Maharajas College Stadium, Ernakulam#Juinor #IDSC #KeralaFootball #IndianFootball pic.twitter.com/gZeQL4EIi2

— Kerala Football Association (@keralafa) August 5, 2023

ഗ്രൂപ്പ് എ : കാസർഗോഡ്, കോഴിക്കോട്, പത്തനംതിട്ട, പാലക്കാട്

ഗ്രൂപ്പ് ബി : ആലപ്പുഴ, എറണാകുളം, തിരുവനന്തപുരം, കണ്ണൂർ

ഗ്രൂപ്പ് സി: മലപ്പുറം, കൊല്ലം, ഇടുക്കി

ഗ്രൂപ്പ് ഡി: തൃശ്ശൂർ, കോട്ടയം, വയനാട്

ഫിക്സ്ചർ;

തൃക്കരിപ്പൂരിൽ നടക്കുന്ന സംസ്ഥാന ജൂനിയർ ഫുട്ബോൾ ചാമ്പ്യൻഷിപ്പിന്റെ ഫൈനൽ ലൈനപ്പ് ആയി. കോഴിക്കോടും മലപ്പുറവും ആകും ഫൈനലിൽ നേരിടുക. ഇന്ന് നടന്ന ആദ്യ സെമി ഫൈനലിൽ എറണാകുളത്തെ തോൽപ്പിച്ചാണ് മലപ്പുറം ഫൈനലിൽ എത്തിയത്. എതിരില്ലാത്ത ഒരു ഗോളിനായിരുന്നു മലപ്പുറത്തിന്റെ വിജയം. മലപ്പുറത്തിനായി ഹാറൂൺ ദിൽഷാദാണ് സ്കോർ ചെയ്തത്.

രണ്ടാം സെമിയിൽ വയനാടിനെയാണ് കോഴിക്കോട് പരാജയപ്പെടുത്തിയത്. എതിരില്ലാത്ത രണ്ടു ഗോളുകൾക്കായിരുന്നു കോഴിക്കോടിന്റെ ജയം. ഗ്രൂപ്പ് ഡി ചാമ്പ്യന്മാർ ആയായിരുന്നു കോഴിക്കോട് സെമിയിലേക്ക് എത്തിയത്.

നാളെ വൈകിട്ട് 3 മണിക്കാണ് ഫൈനൽ മത്സരം നടക്കുക.

തൃക്കരിപ്പൂരിൽ നടക്കുന്ന സംസ്ഥാന ജൂനിയർ ഫുട്ബോൾ ചാമ്പ്യൻഷിപ്പിലെ ഗ്രൂപ്പ് സി മത്സരത്തിൽ കോഴിക്കോടിന് വൻ ജയം. ഇന്ന് രാവിലെ നടന്ന മത്സരത്തിൽ കൊല്ലത്തെ നേരിട്ട കോഴിക്കോട് എതിരില്ലാത്ത ഒമ്പതു ഗോളുകൾക്കാണ് വിജയിച്ചത്. കോഴിക്കോടിനായി അനന്തു മാത്രം നാലു ഗോളുകളാണ് അടിച്ചത്. അനുരാഗും ഇന്ന് കോഴിക്കോടിനായി ഹാട്രിക്ക് നേടി. നവായിസ്, അക്ഷയ് എന്നിവരാണ് കോഴിക്കോടിന്റെ മറ്റു സ്കോറേഴ്സ്.

ഗ്രൂപ്പ് സിയിൽ നടന്ന മറ്റൊരു മത്സരത്തിൽ മലപ്പുറം തിരുവനന്തപുരത്തെ പരാജയപ്പെടുത്തി. എതിരില്ലാത്ത ഒരു ഗോളിനായിരുന്നു മലപ്പുറത്തിന്റെ വിജയം. അക്മൽ ഷാനാണ് മലപ്പുറത്തിന്റെ വിജയഗോൾ നേടിയത്.

സംസ്ഥാന ജൂനിയർ ഫുട്ബോൾ ചാമ്പ്യൻഷിപ്പിൽ നാടകീയതക്ക് ശേഷം വയനാട് സെമി ഫൈനലിൽ. ഇന്ന് വൈകിട്ട് കാസർഗോഡും വയനാടും പോരിന് ഇറങ്ങുമ്പോൾ ഇരുവരും പോയന്റിൽ ഗോൾഡിഫറൻസിലും അടക്കം എല്ലാത്തിലും തുല്യരായിരുന്നു. ജയിക്കുന്നവർ സെമിയിൽ എത്തുമായിരുന്ന മത്സരം 2-2 എന്ന സമനിലയിൽ അവസാനിച്ചു. അവസാന ടോസ് വേണ്ടി വന്നു ഗ്രൂപ്പ് ചാമ്പ്യന്മാരെ കണ്ടെത്താൻ.

കാസർഗോഡിനായി ജ്യോതിഷ് ഇരട്ട ഗോളുകൾ നേടി. മുഹമ്മദ് സഫ്നാദും മുന്നാ റോഷനുമാണ് വയനാടിനായി സ്കോർ ചെയ്തത്. ഗ്രൂപ്പിലെ ആദ്യ രണ്ടു മത്സരങ്ങളിൽ പത്തനംതിട്ടയെയും ആലപ്പുഴയെയും ഇരു ടീമുകളും പരാജയപ്പെടുത്തിയിരുന്നു.

തൃക്കരിപ്പൂരിൽ നടക്കുന്ന സംസ്ഥാന ജൂനിയർ ഫുട്ബോൾ ചാമ്പ്യൻഷിപ്പിൽ നിന്ന് ആലപ്പുഴയും പത്തനംതിട്ടയും പുറത്ത്. ഇന്ന് വൈകിട്ട് ഗ്രൂപ്പ് ബിയിൽ നടന്ന രണ്ടാം മത്സരത്തിലും പരാജയപ്പെട്ടതോടെയാണ് ഇരു ടീമുകളുടെയും സെമി പ്രതീക്ഷ അവസാനിച്ചത്. ഇന്ന് രാവിലെ നടന്ന മത്സരത്തിൽ കാസർഗോഡ് എതിരില്ലാത്ത അഞ്ചു ഗോളുകൾക്കാണ് ആലപ്പുഴയെ തോൽപ്പിച്ചത്. മുഹമ്മദ് അംജാദ്, അഹമ്മദ് സ്വാബിഹ്, ജ്യോതിശ്, അക്ഷയ് മണി, അതുൽ ഗണേഷ് എന്നിവരാണ് കാസർഗോഡിനായി ഇന്ന് സ്കോർ ചെയ്തത്. ഇന്നലെ വയനാടിനോടും ആലപ്പുഴ തോറ്റിരുന്നു.

എതിരില്ലാത്ത മൂന്ന് ഗോളുകൾക്ക് വയനാടിനോടാണ് പത്തനംതിട്ട ഇന്ന് തോറ്റത്. വയനാടിനായി മുഹമ്മദ് സഫ്വാൻ ഇരട്ട ഗോളുകൾ നേടി. ഗോൾഡിനാണ് മറ്റൊരു സ്കോറർ. ഇന്ന് വൈകിട്ട് നടക്കുന്ന കാസർഗോഡും വയനാടും തമ്മിലുള്ള പോരാട്ടം ആകും ആര് ബി ഗ്രൂപ്പിൽ നിന്ന് സെമിയിൽ എത്തുമെന്ന് തീരുമാനിക്കുക.

തൃക്കരിപ്പൂരിൽ നടക്കുന്ന സംസ്ഥാന ജൂനിയർ ഫുട്ബോൾ ചാമ്പ്യൻഷിപ്പിൽ വയനാടിനും കാസർഗോഡിനും ജയം. ഇന്നലെ വൈകിട്ട് ഗ്രൂപ്പ് ബിയിൽ നടന്ന മത്സരത്തിലാണ് ഇരു ടീമുകളും വിജയിച്ചത്. വയനാട് ഇന്നലെ എതിരില്ലാത്ത നാലു ഗോളുകൾക്ക് ആലപ്പുഴയെ ആണ് പരാജയപ്പെടുത്തിയത്. മുഹമ്മദ് സഫ്നാദ് വയനാടിനായി ഹാട്രിക്ക് നേടി. മുന്ന റോഷനാണ് മറ്റൊരു ഗോൾ നേടിയത്.

ഗ്രൂപ്പ് ബിയിലെ രണ്ടാം മത്സരത്തിൽ കാസർഗോഡ് പത്തനംതിട്ടയെ ആണ് തോൽപ്പിച്ചത്. എതിരില്ലാത്ത രണ്ടു ഗോളുകൾക്കായിരുന്നു ജയം. അഹ്മദ് സ്വാഭിഹ് ആണ് രണ്ടു ഗോളുകളും സ്കോർ ചെയ്തത്. 19, 51 മിനുട്ടുകളിലായിരുന്നു ഗോളുകൾ.

സംസ്ഥാന ജൂനിയർ ഫുട്ബോൾ ചാമ്പ്യൻഷിപ്പിൽ ഗ്രൂപ്പ് എയിൽ നിന്ന് എറണാകുളം സെമിയിലേക്ക് കടന്നു. ഇന്ന് നടന്ന മത്സരത്തിൽ ഇടുക്കിയെ കൂടെ തോൽപ്പിച്ചതോടെയാണ് എറണാകുളം സെമി ഉറപ്പിച്ചത്. എതിരില്ലാത്ത ഒരു ഗോളിനായിരുന്നു ഇന്ന് എറണാകുളത്തിന്റെ ജയം. എറണാകുളത്തിനായി അർമാൻ അഹമദ് ആണ് ഇന്ന് ഗോൾ നേടിയത്.

എറണാകുളം ആദ്യ മത്സരത്തിൽ തൃശ്ശൂരിനെ പരാജയപ്പെടുത്തുകയും രണ്ടാം മത്സരത്തിൽ കണ്ണൂരിനോട് സമനില നേടുകയും ചെയ്തിരുന്നു‌. ഇന്ന് നടന്ന മറ്റൊരു മത്സരത്തിൽ കണ്ണൂർ തൃശ്ശൂരിനോട് എതിരില്ലാത്ത രണ്ടു ഗോളുകൾക്ക് തോറ്റു.

സംസ്ഥാന ജൂനിയർ ഫുട്ബോൾ ചാമ്പ്യൻഷിപ്പിൽ ആദ്യ ദിവസം ഗ്രൂപ്പ് എയിൽ കണ്ണൂരിനും എറണാകുളത്തിനും ജയം. ഇന്ന് രാവിലെ നടന്ന മത്സരത്തിൽ എതിരില്ലാത്ത ഒരു ഗോളിനാണ് എറണാകുളം തൃശ്ശൂരിനെ പരാജയപ്പെടുത്തിയത്. അർമാൻ അഹ്മദ് ഇബ്രാഹീം ആണ് എറണാകുളത്തിനായി സ്കോർ ചെയ്തത്.

രണ്ടാം മത്സരത്തിൽ ഇടുക്കിയെ ഒന്നിനെതിരെ നാലു ഗോളുകൾക്കാണ് കണ്ണൂർ പരാജയപ്പെടുത്തിയത്. ജയസൂര്യ ഹാട്രിക്ക് നേടി‌. അതുൽ ഗിരീഷാണ് മറ്റൊരു സ്കോറർ.