ടി20 ലോകകപ്പിനു മുമ്പ് ഇന്ത്യ ബംഗ്ലാദേശിന് എതിരെ സന്നാഹ മത്സരം കളിക്കും

2024 ലെ ടി20 ലോകകപ്പിന് മുമ്പ് ഇന്ത്യ അവരുടെ ഏക സന്നാഹ മത്സരത്തിൽ ബംഗ്ലാദേശിനെ നേരിടും. ഐസിസി 16 സന്നാഹ മത്സരങ്ങളും അതിനുള്ള വേദികളും ഔദ്യോഗികമായി പ്രഖ്യാപിച്ചു. ഈ മത്സരങ്ങൾക്കൊന്നും അന്താരാഷ്ട്ര പദവി ഉണ്ടായിരിക്കില്ല, ടീമുകൾക്ക് അവരുടെ 15 അംഗങ്ങളെയും മത്സരത്തിൽ ഉപയോഗിക്കാൻ അനുവദിക്കും.

ഇന്ത്യ ജൂൺ ഒന്നിന് സന്നാഹ മത്സരത്തിൽ ബംഗ്ലാദേശിനെ നേരിടും, ഈ മത്സരത്തിന്റെ വേദി പ്രഖ്യാപിച്ചിട്ടില്ല. മെയ് 26ന് നടക്കാനിരിക്കുന്ന ഐപിഎൽ ഫൈനലിന് ശേഷം മാത്രമേ ഇന്ത്യൻ താരങ്ങൾ അമെരിക്കയിൽ എത്താൻ സാധ്യതയുള്ളൂ.

പാക്കിസ്ഥാനും ഇംഗ്ലണ്ടും മൂന്ന് മത്സരങ്ങളുടെ ടി20 ഐ പരമ്പരയിൽ പങ്കെടുക്കുന്നതിനാൽ സന്നാഹ മത്സരങ്ങളൊന്നും കളിക്കില്ല.