ഇറാനിൽ നിന്ന് സ്വര്‍ണ്ണം തട്ടിയെടുത്ത് “മാജിക് മാന്‍” ഡേവിഡ് ടെയിലര്‍

Davidtaylor

ഇറാന്‍ 86 കിലോ വിഭാഗം സ്വര്‍ണ്ണം നേടിയെന്ന ഉറപ്പിച്ച ഘട്ടത്തിൽ ഇറാനിയന്‍ പ്രതീക്ഷകളെ തകര്‍ത്തെറിച്ച് യുഎസ്എയുടെ ഡേവിഡ് മോറിസ് ടെയിലര്‍. 3-2ന് ലീഡ് ചെയ്യുകയായിരുന്ന ഇറാന്റെ റിയോ ഒളിമ്പിക്സ് ജേതാവും ഒന്നാം സീഡുമായ ഹസന്‍ യസ്ദാനിചറാറ്റിയെയാണ് മാജിക് മാന്‍ എന്ന് അറിയപ്പെടുന്ന യുഎസ് താരം മറികടന്നത്.

ആദ്യ പിരീഡ് അവസാനിക്കുമ്പോള്‍ ഇറാനായിരുന്നു 1-0ന് മുന്നിൽ. രണ്ടാം പിരീഡിൽ ഇറാന്‍ ഒരു പോയിന്റ് കൂടി നേടിയപ്പോള്‍ അടുത്ത രണ്ട് പോയിന്റ് നേടി യുഎസ് താരം ആധിപത്യം പുലര്‍ത്തി. കൗണ്ട് ബാക്കിന്റെ ആനുകൂല്യവും യുഎസ് താരത്തിനായിരുന്നു.

എന്നാൽ അടുത്ത ടെക്നിക്കൽ പോയിന്റ് നേടി 3-2ന് മത്സരം ഇറാന്‍ താരം സ്വന്തമാക്കുമെന്ന നിമിഷത്തിലാണ് ഡേവിഡ് ടെയിലര്‍ മത്സരം മാറ്റി മറിച്ച് 2 പോയിന്റും സ്വര്‍ണ്ണവും സ്വന്തമാക്കി ഇറാനിയന്‍ മോഹങ്ങളെ തകര്‍ത്തത്.

Previous articleചിംഗ്ലൻസെന ഹൈദരബാദിൽ തുടരും
Next articleസെർബിയൻ ഡിഫൻഡർ സ്ലാവ്കോ ഡാംജനോവിച്ച് ചെന്നൈയിൻ എഫ്സിയിൽ