ഗുസ്തിയിൽ രവി ദാഹിയയും നവീനും ഫൈനലിൽ, സെമിയിൽ വീണു പൂജ ഗെഹ്‌ലോട്ട്

Wasim Akram

20220806 204105
Download the Fanport app now!
Appstore Badge
Google Play Badge 1

പുരുഷന്മാരുടെ 57 കിലോഗ്രാം വിഭാഗത്തിൽ ഫൈനലിലേക്ക് മുന്നേറി ഇന്ത്യയുടെ രവി ദാഹിയ. പാകിസ്ഥാൻ താരം അലി ആസാദിന് എതിരെ വ്യക്തമായ ആധിപത്യം ആണ് മത്സരത്തിൽ രവി പുലർത്തിയത്. മത്സരത്തിൽ 14-4 എന്ന വലിയ വ്യത്യാസത്തിൽ ജയം ഉറപ്പിച്ച രവി ഇന്ത്യക്ക് ഗുസ്തിയിൽ മറ്റൊരു മെഡൽ കൂടി ഉറപ്പിച്ചു.

20220806 205456

പുരുഷന്മാരുടെ 74 കിലോഗ്രാം വിഭാഗത്തിൽ ഇംഗ്ലണ്ടിന്റെ ചാർളി ബോവിലിങിനെ ടെക്നിക്കൽ പോയിന്റുകൾക്ക് തോൽപ്പിച്ച നവീനും ഫൈനലിലേക്ക് മുന്നേറി. വനിതകളുടെ 53 കിലോഗ്രാം വിഭാഗത്തിൽ വിനേശ് പൊഹാറ്റും ഫൈനലിലേക്ക് മുന്നേറി. കാനഡയുടെ ലോക ചാമ്പ്യൻഷിപ്പ് വെങ്കല മെഡൽ ജേതാവ് ആയ സാമന്ത സ്റ്റുവാർട്ടിനെ വെറും 36 സെക്കന്റിൽ ഇന്ത്യൻ താരം മലർത്തിയടിച്ചു. എന്നാൽ സെമിയിൽ വനിതകളുടെ 50 കിലോഗ്രാം വിഭാഗത്തിൽ കനേഡിയൻ താരത്തോട് തോറ്റ പൂജ ഗെഹ്‌ലോട്ട് വെങ്കല മെഡലിന് ആയി പൊരുതും.