ലോക ഗുസ്തി ചാമ്പ്യന്‍ഷിപ്പിൽ വെങ്കല മെഡലും ഒളിമ്പിക്സ് ക്വാട്ടയും ഉറപ്പാക്കി ഇന്ത്യയുടെ ആന്റിം പംഗൽ. ഈ പതിപ്പിലെ ഇന്ത്യയുടെ ആദ്യ മെഡലാണ് പംഗൽ നേടിയത്. 53 കിലോ വിഭാഗത്തിൽ 16-6ന് യൂറോപ്യന്‍ ചാമ്പ്യനെയാണ് ഇന്ത്യന്‍ താരം പരാജയപ്പെടുത്തിയത്. പാരീസ് ഒളിമ്പിക്സിലേക്ക് യോഗ്യത നേടുന്ന ആദ്യ ഇന്ത്യന്‍ താരമായി ഇതോടെ ആന്റിം മാറിയെങ്കിലും ക്വാട്ടയ്ക്ക് യോഗ്യത എന്‍ഒസിയ്ക്ക് ആയതിനാൽ ഇന്ത്യന്‍ ഒളിമ്പിക്സ് അസോസ്സിയേഷനാകും വിനേഷ് ഫോഗട്ട് ആണോ അതോ ആന്റിം പംഗൽ ആണോ പാരീസിലേക്ക് പോകേണ്ടതെന്ന് തീരുമാനിക്കുക.
19 വയസ്സ് മാത്രമുള്ള പംഗൽ ഗുസ്തി ഫ്ലോറിൽ ഇപ്പോള്‍ തന്നെ പല മെഡലുകള്‍ കയ്ത് മുന്നേറുകയാണ്. അണ്ടര്‍ 20 ലോക ചാമ്പ്യനായി 2022, 23 വര്‍ഷങ്ങളിൽ പട്ടം നേടിയ താരം 2023 ഏഷ്യന്‍ ചാമ്പ്യന്‍ഷിപ്പിൽ വെള്ളിയും നേടിയിരുന്നു.
