ചെന്നൈ: റൂപേ പ്രൈം വോളിബോൾ ലീഗ് പവേർഡ് ബൈ എ23യുടെ മൂന്നാം സീസണിൽ ഡൽഹി തൂഫാൻസിന് ത്രസിപ്പിക്കുന്ന ജയം. രണ്ട് സെറ്റ് നഷ്ടമായശേഷം തിരിച്ചുവന്ന് കൊച്ചി ബ്ലൂ സ്പൈക്കേഴ്സിനെ ത്രസിപ്പിക്കുന്ന പോരിൽ കീഴടക്കി. സ്കോർ: 9–15, 15–17, 15–10, 15–8, 15–8. ഡാനിയൽ അപോൺസയാണ് കളിയിലെ താരം. കൊച്ചിയുടെ തുടർച്ചയായ ഏഴാം തോൽവിയാണിത്.
എറിൻ വർഗീസും ജിബിൻ സെബാസ്റ്റ്യനും തുടക്കത്തിൽതന്നെ കൊച്ചിക്ക് ആക്രമണമുഖം നൽകി. എന്നാൽ പ്രതിരോധമായിരുന്നു ഇരു ടീമുകൾക്കുമിടയിലുള്ള വ്യത്യാസം. അഭിനവും അതോസും മധ്യഭാഗത്ത് ഉറച്ചുനിന്നു. സഖ്ലയിൻ മികച്ച പാസിങ് കൊണ്ട് ഡൽഹിക്ക് സഹായം നൽകി. പക്ഷേ, കൊച്ചി ബ്ളോക്കർമാർ സന്തോഷിനെയും ലാസർ ഡോഡിച്ചിനെയും ഉലച്ചു.
എറിൻ മികച്ച പ്രകടനം കളിയിലുടനീളം തുടർന്നു. ഡൽഹിയുടെ സമ്മർദ്ദത്തിനിടയിലും തകർപ്പൻ ഷോട്ടുകളുമായി കൊച്ചിക്ക് കളിയിൽ നിയന്ത്രണവും നൽകി.
വസന്തിന്റെ ആക്രണാത്മ സെർവുകൾ കൊച്ചിക്ക് മുൻതൂക്കം നൽകി. അപോൺസ രണ്ട് നിർണായക ബ്ലോക്കുകൾ നടത്തുകയും പിന്നാലെ ആക്രമണനിരയിലും സഹായം നൽകി. ഡൽഹി ചെറുത്തുനിൽപ്പിന്റെ ലക്ഷണങ്ങൾ കാട്ടിത്തുടങ്ങി. ആയുഷ് തകർപ്പൻ ബ്ലോക്കിലൂടെ പ്രതിരോധത്തിന് ഉറപ്പ് നൽകി. ഡൽഹി കളിയിലേക്ക് വഴി കണ്ടെത്തി.
അനു തകർപ്പൻ ആക്രമണ നീക്കങ്ങളുമായി കളംപടിച്ചു. ഡൽഹി കളി ഗതി തിരിക്കാൻ തുടങ്ങി. അപോൺസയുടെ കിടയറ്റ ബ്ലോക്കിൽ ഒരു സൂപ്പർ പോയിന്റ് നേടി ഡൽഹി കളി അഞ്ചാം സെറ്റിലേക്ക് നീട്ടി. ഡൽഹിയുടെ ആക്രമണത്തിന്റെ ചുമതല അനു ഏറ്റെടുത്തു. ജിബിന് കൃത്യമായി ഷോട്ട് തൊടുക്കാനായില്ല. അനുവിന്റെയും സന്തോഷിന്റെയും തുടരൻ ആക്രമണങ്ങൾക്ക് മുന്നിൽ കൊച്ചിക്ക് പിടിച്ചുനിൽക്കാനായില്ല. ഒടുവിൽ സന്തോഷിന്റെ കരുത്തുറ്റ സ്പൈക്കിൽ ഡൽഹി ജയം സ്വന്തമാക്കി.
പത്ത് പോയിന്റുമായി ഡൽഹി സൂപ്പർ ഫൈവ്സ് സാധ്യത സജീവമാക്കി.
ഇന്ന് (ബുധൻ) വൈകിട്ട് 6.30ന് നടക്കുന്ന മത്സരത്തില് ബംഗളൂരു ടോർപിഡോസ് കാലിക്കറ്റ് ഹീറോസുമായി ഏറ്റുമുട്ടും. അഞ്ച് കളിയിൽ എട്ട് പോയിന്റുമായി നാലാമതാണ് കാലിക്കറ്റ്. മത്സരങ്ങള് സോണി സ്പോര്ട്സ് നെറ്റ്വര്ക്കിലും സോണി ലിവിലും തത്സമയം കാണാം.
