പ്രോ കബഡിയിലെ ഇന്നത്തെ രണ്ടാം മത്സരത്തിൽ തകർപ്പൻ ജയം നേടി ജയ്പൂർ പിങ്ക് പാന്തേഴ്സ്. ബംഗാൾ വാറിയേഴ്സിനെ ഒരു ലാസ്റ്റ് മിനുറ്റ് ത്രില്ലറിലാണ് ജയ്പൂർ പരാജയപ്പെടുത്തിയത്. രണ്ട് പോയന്റിനാണ് പിങ്ക് പാന്തേഴ്സ് ജയിച്ചത്. 27-25 എന്ന സ്കോറിനാണ് പാന്തേഴ്സിന്റെ ജയം.
ആദ്യ പകുതിയിൽ 10-14 ന്റെ ലീഡ് ബംഗാൾ വാറിയേഴ്സ് നേടിയിരുന്നു. പിന്നീട് അവേശ്വോജ്വലമായ മത്സരത്തിൽ ജയ്പൂർ പിങ്ക്പാന്തേഴ്സ് ജയം പിടിച്ചെടുക്കുകയായിരുന്നു. മത്സരത്തിൽ അവസാന നിമിഷം വരെ പിന്നിട്ട് നിന്ന പിങ്ക് പാന്തേഴ്സ് ബംഗാൾ വാറിയേഴ്സിനെ അട്ടിമറിക്കുകയായിരുന്നു. ജയ്പൂർ പിങ്ക് പാന്തേഴ്സിനായി ദീപക് നിവാസ് ഹൂഡ 6 റെയിഡ് പോയന്റ് നേടി. സന്ദീപ് ധൾ 8 ടാക്കിൾ പോയന്റും നേടി. ബംഗാൾ വാറിയേഴ്സിന് വേണ്ടി 6 റെയിഡ് പോയന്റ് പ്രപഞ്ചനും 5 റെയിഡ് പോയന്റ് മനിന്ദർ സിംഗും നേടി. ബൽദേവ് സിംഗ് 4 ടാക്കിൾ പോയന്റും നേടിയിരുന്നു.
