പ്രൊ കബഡിയുടെ ഒമ്പതാം സീസണിന്റെ മിന്നും താരം പവൻ സെഹ്രാവത് ആദ്യ മത്സരത്തിന്റെ ആദ്യ പകുതിയിൽ തന്നെ പരിക്കേറ്റ് പുറത്ത്. പ്രൊ കബഡിയുടെ ചരിത്രത്തിലെ തന്നെ ഏറ്റവും വിലയേറിയ താരമായ പവൻ, തമിഴ് തലൈവാസിന്റെ നായകനും അറ്റാക്കിങ്ങ് കോച്ചുമാണ്.
ഗുജറാത്ത് ടൈറ്റസിന്റെ ചന്ദൻ രഞിതിനെ ടാക്കിൾ ചെയ്യാനുള്ള ശ്രമത്തിനിടെ താരത്തിന്റെ വലത് കാൽ മുട്ടിന് പരിക്കേൽക്കുകയായിരിന്നു. മത്സരം നിർത്തിവെച്ച് സ്ട്രെച്ചറിൽ ഉടനെ തന്നെ മെഡിക്കൽ സംഘം ആശുപത്രിയിലേക്ക് മാറ്റി.
