ഇന്ത്യൻ ബോക്സിംഗ് ഇതിഹാസം മേരി കോം ഒളിമ്പിക്സ് യോഗ്യത പോരാട്ടത്തിനായുള്ള ട്രയൽസിലേക്ക് ജയിച്ചുകയറി. ടോക്കിയോ ഒളിമ്പിക്സിന് മുന്നോടിയായുള്ള ട്രയൽസിലേക്കുള്ള യോഗ്യതയാണ് ഇന്ന് മേരി കോം നേടിയത്. ട്രയൽസിൽ 9-1 ന്റെ ജയമാണ് നിഖാത് സറിനെ പരാജയപ്പെടുത്തി മേരി കോം നേടിയത്. എകപക്ഷീയമായ ജയമാണ് ഇന്ന് മേരി കോം നേടിയത്.
ചൈനയിൽ വെച്ച് അടുത്ത വർഷമാണ് ഒളിമ്പിക്സ് യോഗ്യത മത്സരങ്ങൾ നടക്കുക. അതിനുള്ള യോഗ്യതയാണ് ഇന്ന് മേരി കോം നേടിയത്. 51 കിലോ ഫ്ലൈ വെയിറ്റ് വിഭാഗത്തിൽ മേരികോമിനെ നേരിട്ട് യോഗ്യതമത്സരത്തിന് അയക്കാനായിരുന്നു ആദ്യം ഇന്ത്യൻ ബോക്സിംഗ് ഫെഡറേഷൻ തീരുമാനിച്ചത്. എന്നാൽ നിഖാത് സറിൻ ഇതിനെതിരെ രംഗത്ത് വന്ന് വിവാദമായൊരുന്നു. ഇതിനു ശേഷമാണ് ഒരു ട്രയൽസ് നടത്താൻ തീരുമാനമായത്.
