ഇന്തോനേഷ്യൻ ഓപ്പൺ ടൂർണമെന്റിലെ പുരുഷ ഡബിൾസ് പോരാട്ടത്തിൽ ഇന്ത്യക്ക് കിരീടം. ഇന്ത്യയുടെ സാത്വിക്‌സായിരാജ് രങ്കിറെഡ്ഡി-ചിരാഗ് ഷെട്ടി സഖ്യം ഫൈനലിൽ കൊറിയയുടെ ചിയാ – സൊ സഖ്യത്തെ ആണ് പരാജയപ്പെടുത്തിയത്. ലോകചാമ്പ്യന്മാരായ കൊറിയൻ സഖ്യത്തെ നേരിട്ടുള്ള ഗെയിമുകൾക്ക് ആണ് ഇന്ത്യൻ ടീം പരാജയപ്പെടുത്തിയത്. 21-17, 21-18 എന്ന സ്കോറിനായിരുന്നു സാത്വിക്-ചിരാഗ് സഖ്യത്തിന്റെ വിജയം.
വേൾഡ് ടൂർ സൂപ്പർ 1000 ഇവന്റിന്റെ പുരുഷ ഡബിൾസിൽ കിരീടം നേടുന്ന ആദ്യ ഇന്ത്യൻ ജോഡിയായി ഇവർ ഇതോടെ മാറി. ഇന്നലെ അവർ സെമിയിൽ കാങ്-സിയോയെ പരാജയപ്പെടുത്തിയിരുന്നു. 17-21, 21-19, 21- എന്ന സ്‌കോറിന് ആയിരുന്നു സെമിയിലെ വിജയം. ക്വാർട്ടർ ഫൈനലിൽ ഇന്ത്യൻ സഖ്യം നേരിട്ടുള്ള ഗെയിമുകൾക്ക് ടോപ് സീഡ് ഫജർ അൽഫിയാൻ, മുഹമ്മദ് റിയാൻ അർഡിയാന്റോ എന്നിവരെ അട്ടിമറിച്ചിരുന്നു.
