ജൂനിയര്‍ ലോക ഒന്നാം നമ്പറിനെ കീഴടക്കി ഇന്ത്യയുടെ റിയ മുഖര്‍ജ്ജി

ഇന്ത്യ ഓപ്പണ്‍ ബാഡ്മിന്റണിന്റെ പ്രീക്വാര്‍ട്ടറിലേക്ക് കടന്ന് ഇന്ത്യയുടെ റിയ മുഖര്‍ജ്ജി. ലോക ജൂനിയര്‍ ഒന്നാം നമ്പര്‍ താരമായി തായ്‍ലാന്‍ഡിന്റെ ഫിറ്റായാപോണ്‍ ചൈവാനിനെയാണ് റിയ നേരിട്ടുള്ള ഗെയിമുകളില്‍ കീഴടക്കിയത്. 39 മിനുട്ട് നീണ്ട മത്സരത്തില്‍ 21-17, 21-15 എന്ന സ്കോറിനായിരുന്നു വിജയം.

അതേ സമയം വനിത സിംഗിള്‍സില്‍ പ്രാഷി ജോഷി 12-21, 15-21 എന്ന സ്കോറിനു ചൈനയുടെ ഹീ ബിംഗ്ജിയാവോയോട് ആദ്യ റൗണ്ടില്‍ പരാജയമേറ്റു വാങ്ങി. വൈദേഹി ചൗധരിയും ആദ്യ റൗണ്ടില്‍ മറ്റൊരു ചൈനീസ് താരത്തോട് പരാജയപ്പെട്ടു. സ്കോര്‍: 12-21, 6-21.