ഡെന്മാര്‍ക്ക് ഓപ്പണിന്റെ ആദ്യ റൗണ്ട് കടന്ന് കൂടി പിവി സിന്ധു. ആദ്യ റൗണ്ട് മത്സരത്തില്‍ നേരിട്ടുള്ള ഗെയിമിലാണ് വിജയമെങ്കിലും സിന്ധുവിന് വിജയം ആധികാരികമായിരുന്നില്ല. ലോക 16ാം നമ്പര്‍ താരം ഗ്രിഗോറിയ തുന്‍ജുംഗിനോട് 22-20, 21-18 എന്ന സ്കോറിനായിരുന്നു സിന്ധുവിന്റെ വിജയം. പ്രീക്വാര്‍ട്ടറില്‍ ലോക 19ാം നമ്പര്‍ താരം ആന്‍ സെ യംഗിനോടാണ് സിന്ധുവിന്റെ മത്സരം. അതേ സമയം പുരുഷ സിംഗിള്‍സില്‍ ഇന്ത്യയുടെ പാരുപ്പള്ളി കശ്യപ് 13-21, 12-21 എന്ന സ്കോറിന് ആദ്യ റൗണ്ടില്‍ പരാജയം ഏറ്റുവാങ്ങി.
പുരുഷ ഡബിള്‍സില്‍ സാത്വിക്സായിരാജ് റാങ്കിറെഡ്ഢി-ചിരാഗ് ഷെട്ടി കൂട്ടുകെട്ട് കൊറിയന്‍ താരങ്ങളായ ലോക 26ാം റാങ്ക് താരങ്ങളെ 24-22, 21-11 എന്ന സ്കോറിന് ആദ്യ റൗണ്ടില്‍ കീഴടക്കി.
