ചൈനീസ് താരത്തെ കീഴടക്കി ചൈന മാസ്റ്റേഴ്സ് സെമിയില്‍ എത്തി ലക്ഷ്യ സെന്‍

ചൈന മാസ്റ്റേഴ്സ് 2019ന്റെ സെമി ഫൈനലില്‍ കടന്ന് ഇന്ത്യന്‍ താരം ലക്ഷ്യ സെന്‍. ഇന്ന് നടന്ന ക്വാര്‍ട്ടര്‍ മത്സരത്തില്‍ ചൈനയുടെ സെകി സോവിനെയാണ് ലക്ഷ്യ സെന്‍ പരാജയപ്പെടുത്തിയത്. മൂന്ന് ഗെയിം പോരാട്ടത്തിനൊടുവിലാണ് താരത്തിന്റെ വിജയം. ആദ്യ ഗെയിമില്‍ പിന്നോട്ട് പോയ ശേഷമാണ് സെന്‍ മത്സരം സ്വന്തമാക്കിയത്.

61 മിനുട്ട് നീണ്ട മത്സരത്തിനൊടുവില്‍ 16-21, 21-15, 21-19 എന്ന സ്കോറിനാണ് ഇന്ത്യന്‍ താരത്തിന്റെ സെമി പ്രവേശനം.