ഹൈലോ ഓപ്പൺ BWF ലോക ടൂര്‍ സൂപ്പര്‍ 500ൽ ഇന്ത്യയുടെ ശ്രീകാന്ത് കിഡംബിയ്ക്ക് സെമിയിൽ പരാജയം. സെമി ഫൈനലില്‍ ലോക റാങ്കിംഗിൽ എട്ടാം നമ്പര്‍ താരം ലീ സീ ജിയയ്ക്കെതിരെ 19-21, 20-22 എന്ന സ്കോറിനാണ് കിഡംബി പൊരുതി വീണത്. തോല്‍വി നേരിട്ടുള്ള ഗെയിമിലായിരുന്നുവെങ്കിലും ഇരു ഗെയിമിലും ഒപ്പത്തിനൊപ്പമുള്ള പോരാട്ടമാണ് കണ്ടത്.
നേരത്തെ മറ്റൊരു സെമിയിൽ ഇന്ത്യയുടെ ലക്ഷ്യ സെന്‍ ലോഹ് കീന്‍ യീവിനോട് 18-21, 12-21 എന്ന സ്കോറിന് പരാജയം ഏറ്റുവാങ്ങിയിരുന്നു. കഴിഞ്ഞാഴ്ച ഇതേ താരത്തെ ലക്ഷ്യ പരാജയപ്പെടുത്തിയിരുന്നു.
