ഇന്ത്യ ഓപ്പണ്‍ ബാഡ്മിന്റണ്‍ 2019ല്‍ ഇന്ന് ഫൈനല്‍ പോരാട്ടം. ഇന്ത്യയുടെ ശ്രീകാന്ത് കിഡംബിയും ഡെന്മാര്‍ക്കിന്റെ വിക്ടര്‍ അക്സെല്‍സെന്നുമാണ് ഫൈനലില്‍ ഏറ്റുമുട്ടുന്നത്. ഇന്ത്യയുടെ പാരുപ്പള്ളി കശ്യപിനെ കീഴടക്കിയാണ് അക്സെല്‍സെന്‍ ഫൈനലിലേക്ക് യോഗ്യത നേടിയത്. ലോക റാങ്കിംഗില്‍ നിലവില്‍ നാലാം സ്ഥാനത്താണ് വിക്ടര്‍ അക്സെല്‍സെന്‍.
കി‍ഡംബിയാകട്ടെ ചൈനീസ് താരം ഹുവാംഗ് യൂസിയാംഗിന്റെ കടുത്ത വെല്ലുവിളിയെ അതീജീവിച്ചാണ് ഫൈനലിലേക്ക് എത്തിയത്. ലോക റാങ്കിംഗില്‍ ഏഴാം സ്ഥാനത്താണ് ശ്രീകാന്ത് കിഡംബി. ന്യൂ ഡല്‍ഹിയിലെ കെഡി ജാഥവ് ഇന്‍ഡോര്‍ ഹാളിലാണ് മത്സരം നടക്കുക. ഇന്ത്യന്‍ സമയം നാല് മണി കഴിഞ്ഞാവും മത്സരം ആരംഭിക്കുക.
