നൈറോബിയിൽ നടക്കുന്ന അണ്ടര്‍ 20 ലോക അത്‍ലറ്റിക്സ് ചാമ്പ്യന്‍ഷിപ്പ്സിൽ ഇന്ത്യയുടെ ശൈലി സിംഗ് ലോംഗ് ജംപ് ഫൈനലിലേക്ക് യോഗ്യത നേടി. 6.40 മീറ്റര്‍ ദൂരം ചാടി നേരിട്ട് യോഗ്യത നേടുകയായിരുന്നു ഇന്ത്യന്‍ താരം.
6.35 മീറ്ററായിരുന്നു യോഗ്യതയ്ക്കായുള്ള മാനദണ്ഡം. ഗ്രൂപ്പ് ബിയിൽ ഒന്നാം സ്ഥാനത്തോടെ യോഗ്യത നേടിയ ഇന്ത്യന്‍ താരം ആണ് യോഗ്യ റൗണ്ടിലെ ഏറ്റവും മികച്ച പ്രകടനം പുറത്തെടുത്തത്. തന്റെ ആദ്യ ശ്രമത്തിൽ 6.34 മീറ്റര്‍ ചാടിയ താരം അവസാന ശ്രമത്തിലാണ് നേരിട്ടുള്ള യോഗ്യത നേടിയത്.
