ഏഷ്യൻ പാരാ ഗെയിംസിൽ ബാഡ്മിന്റ വനിതാ സിംഗിൾ വിഭാഗത്തിൽ ഇന്ത്യക്ക് സ്വർണ്ണം. മുരുകേശൻ തുളസിമതിയാണ് ഏഷ്യൻ പാരാ ഗെയിംസിൽ ചാമ്പ്യൻ പട്ടം നേടിയത്‌. തുളസിമതി 21-19, 21-19 എന്ന സ്‌കോറിന് യാങ് ക്യുക്‌സിയയെ ആണ് പരാജയപ്പെടുത്തിയത്. ഗെയിം 2-ൽ 5-16ന് പിറകിൽ നിന്ന് തുളസിമതി ഗംഭീര തിരിച്ചുവരവ് നടത്തിയാണ് 21-19-ന് വിജയിച്ചത്.
ഇന്ത്യ ഇതുവരെ 24 സ്വർണ്ണവും 27 വെള്ളിയും 43 വെങ്കലവും അടക്കം 94 മെഡൽ നേടി. ഇന്ത്യയുടെ എക്കാലത്തെയും മികച്ച മെഡൽ നേട്ടമാണ് ഇത്.
