ഏഷ്യൻ പാരാ ഗെയിംസ് പുരുഷന്മാരുടെ ഡിസ്കസ് ത്രോ ഇനത്തിൽ ഇന്ത്യ പോഡിയം സ്വീപ്പ് നടത്തി. സ്വർണ്ണവും വെള്ളിയും വെങ്കലവും ഇന്ത്യ തന്നെ നേടി. ഏഷ്യൻ പാരാ ഗെയിംസിലെ പുരുഷന്മാരുടെ ഡിസ്കസ് ത്രോ-F54/55/56 ഫൈനലിൽ 38.56 മീറ്റർ എറിഞ്ഞ് റെക്കോർഡ് തകർത്ത് നീരജ് യാദവ് സ്വർണം ഉറപ്പിച്ചു. 42.13 മീറ്റർ എറിഞ്ഞ് വെള്ളി നേടിയ യോഗേഷ് കത്തൂനിയയും മികച്ച പ്രകടനമാണ് കാഴ്ചവെച്ചത്.
മുത്തുരാജ 35.06 മീറ്റർ എറിഞ്ഞ് വെങ്കലം നേടി. ഇന്ത്യക്ക് ഇതോടെ 10 സ്വർണ്ണം ആയി. ഇതു കൂടാതെ 12 വെള്ളിയും 13 വെങ്കലവും ഇന്ത്യക്ക് ഉണ്ട്. ആകെ 35 മെഡലുകളുമായി നാലാം സ്ഥാനത്താണ് ഇന്ത്യ ഉള്ളത്.
