ഏഷ്യൻ ഗെയിംസിൽ ഇന്ത്യക്ക് ഒരു സ്വർണ്ണം കൂടെ. ഇന്ന് ഷൂട്ടിംഗിൽ ലോക റെക്കോർഡുമായി സിഫ്റ്റ് സംറ കോർ ആണ് സ്വർണ്ണം സ്വന്തമാക്കിയത്. 50 മീറ്റർ റൈഫിൾ 3 പൊസിഷൻ വ്യക്തിഗത ഇനത്തിൽ ആയിരുന്നു സ്വർണ്ണം. ഗെയിംസ് റെക്കോർഡിനൊപ്പം ലോക റെക്കോർഡും സംറ തകർത്തു. താരം ഇന്ന് നേടുന്ന രണ്ടാം മെഡൽ ആണിത്.
22കാരിയായ ഷൂട്ടറുടെ സ്വർണ്ണം ഇന്ത്യയുടെ ഈ ഏഷ്യൻ ഗെയിംസിലെ അഞ്ചാം സ്വർണ്ണം ആണ്. ഫൈനലിൽ 469.6 സ്കോറാണ് സമ്ര നേടിയത്. 462.3 സ്‌കോറുമായി ചൈനയുടെ ക്യോങ്യു ഷാങ് വെള്ളി നേടി. ഇന്ത്യയുടെ തന്നെ ആഷി ചൗക്‌സി വെങ്കലം നേടി. ആഷിയുടെ മൂന്നാം മെഡൽ ആണിത്.
